ഡബ്ലിനില്‍ ഭവന വില ഏഴ് ശതമാനം വരെ ഉയരുമെന്ന് റിയല്‍ എസ്റ്റേറ്റ് ഏജന്റുമാര്‍

ഡബ്ലിന്‍ :ഡബ്ലിനില്‍ ഈ വര്‍ഷം ഭവനവില ഏഴ് ശതമാനം ഉയരുമെന്ന് റിയല്‍ എസ്റ്റേറ്റ് ഏജന്റുമാര്‍.വില്‍പ്പനയ്ക്കുള്ള വസ്തുവകകളുടെ എണ്ണത്തില്‍ കുറവുണ്ടായതും ആവശ്യമുള്ള വീടുകളുടെ പൂര്‍ത്തീകരണത്തിലെ കുറവും സ്റ്റോക്ക്-ടു-സെയില്‍സ് അനുപാതം കുറയ്ക്കുന്നതായി ജെ എല്‍ എല്‍ അയര്‍ലണ്ടിന്റെ റിസര്‍ച്ച് ഹെഡ് ഹന്നാ ഡ്വെയര്‍ പറഞ്ഞു.ഇതിനു പുറമേ പലിശനിരക്ക് ഇടിയുന്നതും തൊഴില്‍ വിപണിയിലെ അവസ്ഥയും വീടുകള്‍ വാങ്ങാനുള്ള ആളുകളുടെ കഴിവിനെ നല്ല രീതിയില്‍ സ്വാധീനിക്കും.ഇത് വിലക്കയറ്റത്തിന് കാരണമാകും.2022വരെ ഭവന വിതരണത്തിലെ ഇറുക്കം തുടരുമെന്നും ഹന്നാ ഡ്വെയര്‍ പറയുന്നു.

2021ല്‍ ഡബ്ലിനിലെ വാടക വര്‍ധന സ്ഥിരമായി തുടരുമെന്നും ജെഎല്‍എല്‍ പറയുന്നു.പകര്‍ച്ചവ്യാധി സമയത്ത് വാടകയ്ക്ക് താമസിക്കുന്നവര്‍ കുടുംബ വീടുകളിലേക്ക് മടങ്ങുകയാണ്.അതിനാല്‍ ഡബ്ലിന്റെ സബ് മാര്‍ക്കറ്റുകളില്‍, പ്രത്യേകിച്ച് സിറ്റി സെന്ററിനുള്ളില്‍ സ്റ്റോക്ക് ലെവലില്‍ വര്‍ദ്ധനവ് ഉണ്ടായിട്ടുണ്ട്. 2021ല്‍ ഡബ്ലിന്‍ സിറ്റി സെന്ററില്‍ വാടക കുറയാന്‍ സാധ്യതയുണ്ടെന്നും ജെഎല്‍എല്‍ പറയുന്നു. എന്നിരുന്നാലും, അടുത്ത വര്‍ഷം 1.5% വളര്‍ച്ചയും 2023ല്‍ 2.5% വളര്‍ച്ചയും ജെഎല്‍എല്‍ പ്രവചിക്കുന്നു.വിപണിയിലുടനീളം ഭവന വിതരണം വര്‍ദ്ധിപ്പിക്കുന്നതിന് കൂടുതല്‍ ശ്രദ്ധ കേന്ദ്രീകരിക്കേണ്ട ചര്‍ച്ചയും രാഷ്ട്രീയ ഇടപെടലും ആവശ്യമാണെന്ന് ജെഎല്‍എല്‍. അഭിപ്രായപ്പെടുന്നു.

ഐറിഷ് മലയാളി ന്യൂസ്
ഐറിഷ് മലയാളി ന്യൂസില്‍ നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്‌സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക  https://chat.whatsapp.com/IIvIXYAw3e4GHg3cByO03h