ബാങ്കുകളുടെ ക്യാഷ്ബാക്ക് ഉള്‍പ്പെടെയുള്ള മോര്ട്ട്ഗേജ് ഓഫറുകളില്‍ കഥയില്ലെന്ന് സാമ്പത്തിക വിദഗ്ധര്‍
ഡബ്ലിന്‍ : ക്യാഷ്ബാക്ക് ഉള്‍പ്പടെയുള്ള മോര്ട്ട്ഗേജ് ഓഫറുകള്‍ നല്‍കി ബാങ്കുകള്‍ ഉപഭോക്താക്കളെ തെറ്റിദ്ധരിപ്പിക്കുന്നതായി ആക്ഷേപം.സാമ്പത്തിക വിദഗ്ധര്‍ തന്നെയാണ് ബാങ്കുകളെ പ്രതിക്കൂട്ടിലാക്കുന്ന വിമര്‍ശനമുയര്‍ത്തുന്നതെന്നതും ശ്രദ്ധേയമാണ്.
ഒരു ഐറിഷ് മോര്ട്ട്ഗേജ് ഉടമ യൂറോപ്പിലെ ഏത് ബാങ്കുകളെക്കാളും വായ്പാ കാലാവധിയില്‍ പലിശയിനത്തില്‍ മാത്രം 68000 യൂറോ കൂടുതലായി നല്‍കേണ്ടി വരുന്നതായും അവര്‍ ചൂണ്ടിക്കാട്ടുന്നു.
ബാങ്ക് ഓഫ് അയര്‍ലന്‍ഡ്, പെര്‍മനന്റ്ടിഎസ്ബി, എഐബിയുടെ ഉടമസ്ഥതയിലുള്ള ഇബിഎസ് എന്നി ബാങ്കുകളാണ് കാഷ്ബാക്ക് ആനുകൂല്യങ്ങള്‍ വാഗ്ദാനം ചെയ്യുന്ന ബാങ്കുകള്‍.ക്യാഷ്ബാക്ക് മോര്ട്ട്ഗേജ് ദാതാക്കളില്‍ രണ്ടെണ്ണവും രാജ്യത്തിന്റെ ഉടമസ്ഥതയിലുള്ളവരാണെന്നതും ശ്രദ്ധേയമാണ്.ഇവരാണ് കസ്റ്റമേഴ്സിനെ തെറ്റിദ്ധരിപ്പിച്ച് വായ്പയെടുപ്പിക്കുന്നതെന്ന ആക്ഷേപമാണ് ഇവിടെ ഉയരുന്നത്.
ജനുവരിയില്‍ യൂറോപ്പിലെ മോര്ട്ട്ഗേജ് പലിശ നിരക്ക് 1.29% ആണ്. ഇത് അയര്‍ലണ്ടില്‍ 3.35% ആണ്.അതായത് 2,50,000 യൂറോ മോര്ട്ട്ഗേജ് എടുത്ത് 30 വര്‍ഷത്തിനുള്ളില്‍ തിരിച്ചടയ്ക്കുന്ന ഐറിഷ് വായ്പക്കാരന്‍ ആനുകൂല്യങ്ങള്‍ ലഭിക്കാത്ത വായ്പക്കാരേക്കാള്‍ പ്രതിമാസം 190 യൂറോ കൂടുതല്‍ നല്‍കേണ്ടി വരുന്നതായി സാമ്പത്തിക വിദഗ്ധര്‍ പറയുന്നു.ഈ വായ്പക്കാരന്‍ വായ്പയുടെ ആകെ കാലയളവില്‍ 68,000 യൂറോയാണ് അധിക പലിശയായി നല്‍കേണ്ടി വരുന്നത്.
ക്യാഷ്ബാക്ക് ഇന്‍സെന്റീവുകളില്‍ കഥയില്ല
മോര്‍ട്ട്ഗേജുകളില്‍ ക്യാഷ്ബാക്ക് ഇന്‍സെന്റീവുകള്‍ ഇരട്ട വിലനിര്‍ണ്ണയത്തിന്റെ രൂപമാണെന്ന് സാമ്പത്തിക വിദഗ്ധന്‍ മീഹോള്‍ ഡൊണിംഗ്സ് വാദിക്കുന്നു. കാരണം നിലവിലുള്ള ഉപഭോക്താക്കള്‍ക്ക് അത്തരം ആനുകൂല്യങ്ങള്‍ നേടാന്‍ കഴിയില്ലെന്ന് ഇദ്ദേഹം പറയുന്നു.
കഴിഞ്ഞയാഴ്ച ഇവയില്‍ ഒരു സ്ഥാപനം നാല് വര്‍ഷത്തെ ഫിക്സഡ് നിരക്ക് അവതരിപ്പിച്ചുവെന്നത് ശ്രദ്ധേയമാണ്. പക്ഷേ ക്യാഷ്ബാക്ക് പ്രോത്സാഹനമില്ലാതെ, അതിന്റെ പലിശ നിരക്ക് 0.45% വരെയാണ്.
ക്യാഷ്ബാക്ക് പ്രോത്സാഹനം പ്രയോജനപ്പെടുത്തുന്നില്ലെങ്കില്‍ 0.4% ഇന്‍സെന്റീവ് വാഗ്ദാനം ചെയ്യുന്ന മറ്റൊരു ബാങ്കിനും ഫിക്സഡ് പലിശ നിരക്ക് ഉണ്ട്. അതിനാല്‍, ക്യാഷ്ബാക്കിന്റെ ചെലവ് കുറഞ്ഞത് 0.4% ആണെന്ന് തെളിയിക്കപ്പെട്ടിട്ടുണ്ട്.ലളിതമായി പറഞ്ഞാല്‍, ക്യാഷ്ബാക്ക് ആനുകൂല്യങ്ങള്‍ വാഗ്ദാനം ചെയ്യുന്ന ബാങ്കുകള്‍ക്ക് ഒറ്റരാത്രികൊണ്ട് പലിശനിരക്ക് കുറയ്ക്കാന്‍ കഴിയുമെന്നാണ് ഇതിനര്‍ത്ഥം.30 വര്‍ഷത്തിനിടെ 2,50,000 യൂറോയുടെ മോര്‍ട്ട്ഗേജില്‍, 0.4 ശതമാനം കുറച്ചാല്‍ പ്രതിമാസ തിരിച്ചടവ് 52 യൂറോ കുറയുകയും വായ്പാ കാലത്ത് പലിശയിനത്തില്‍ 20,000 യൂറോ ലാഭിക്കുകയും ചെയ്യാം.എന്നാല്‍ അത് ബാങ്കുകള്‍ ചെയ്യുന്നില്ല.
ക്യാഷ്ബാക്ക് ഓഫറുകളില്ലാതെയും മല്‍സരിക്കാം
മോര്ട്ട്ഗേജ് വായ്പ നല്‍കുന്ന മൂന്ന് ബാങ്കുകളും മോര്ട്ട്ഗേജ് കരാര്‍ പൂര്‍ത്തിയാക്കി 40 ദിവസത്തിനുള്ളില്‍ മോര്ട്ട്ഗേജ് തുകയുടെ 2% വായ്പക്കാര്‍ക്ക് തിരികെ നല്‍കുമെന്നാണ് വാഗ്ദാനം ചെയ്യുന്നത്.
വ്യത്യസ്തമായ ഓഫറുകളാണ് ഈ സ്ഥാപനങ്ങള്‍ മുന്നോട്ടുവെയ്ക്കുന്നത്. വായ്പയെടുക്കുന്നയാള്‍ കടം കൊടുക്കുന്നയാളോടൊപ്പം തുടര്‍ന്നാല്‍ ബാങ്ക് ഓഫ് അയര്‍ലന്‍ഡും ഇബിഎസും അഞ്ചാം വര്‍ഷത്തില്‍ 1% അധിക ഇന്‍സെന്റീവ് വാഗ്ദാനം ചെയ്യുന്നു.ക്യാഷ്ബാക്ക് ആനുകൂല്യങ്ങള്‍ വാഗ്ദാനം ചെയ്യുന്ന മൂന്ന് ബാങ്കുകള്‍ക്ക് പൊതുവായ പലിശനിരക്കുണ്ടെന്ന് ഇദ്ദേഹം പറയുന്നു.ക്യാഷ്ബാക്ക് ഇന്‍സെന്റീവിന്റെ ചെലവ് 0.4% മുതല്‍ 0.5% വരെയാണെന്ന് മോര്ട്ട്ഗേജ് മാര്‍ക്കറ്റിനെ ശ്രദ്ധാപൂര്‍വ്വം നിരീക്ഷിക്കുന്നവര്‍ക്ക് മനസ്സിലാകും.
മോര്ട്ട്ഗേജ് വിപണിയിലെ ഏറ്റവും പുതിയ പ്രവേശകരായ അവന്ത് മണി, ഐസിഎസ് മോര്‍ട്ട്ഗേജുകള്‍, ഫിനാന്‍സ് അയര്‍ലന്‍ഡ് എന്നിവയ്ക്ക് വിലകുറഞ്ഞ വേരിയബിളും നിശ്ചിത നിരക്കുകളുമുണ്ട്. എന്നാല്‍ ക്യാഷ്ബാക്ക് ആനുകൂല്യങ്ങളൊന്നും നല്‍കുന്നില്ല, ചെലവിലാണ് ഇവര്‍ മത്സരിക്കുന്നതെന്നും ഡൊണിംഗ്സ് പറയുന്നു.
കഥയറിയാതെ ആട്ടം കാണുന്ന വായ്പക്കാര്‍
ഉപയോക്താക്കള്‍ യഥാര്‍ഥത്തില്‍ കാര്യങ്ങള്‍ മനസ്സിലാക്കുന്നില്ലെന്ന് ഇദ്ദേഹം പറയുന്നു. വാങ്ങുന്നത് എന്താണെന്ന് അവര്‍ മനസ്സിലാക്കണമെന്നുമില്ലെന്ന് ഇദ്ദേഹം ചൂണ്ടിക്കാട്ടുന്നു.ഈ ആനുകൂല്യങ്ങള്‍ നേടുന്നതിന്റെ ദീര്‍ഘകാല ചെലവും അവര്‍ക്ക് മനസ്സിലാകില്ല.മോര്‍ട്ട്ഗേജിന്റെ കാലാവധിയെക്കാള്‍ ഉയര്‍ന്ന പലിശ നിരക്ക് ഈടാക്കുന്നതിലൂടെ അവര്‍ക്ക് ലഭിച്ച തുക ആത്യന്തികമായി തിരിച്ചെടുക്കുന്നുണ്ടെന്നും ഇദ്ദേഹം നിരീക്ഷിക്കുന്നു.അതിനാല്‍ മോര്ട്ട്ഗേജ് മാര്‍ക്കറ്റിലെ ക്യാഷ്ബാക്ക് മോര്ട്ട്ഗേജ് ആനുകൂല്യങ്ങളും മറ്റ് ആനുകൂല്യങ്ങളും അന്വേഷിക്കണമെന്ന് ഇദ്ദേഹം മത്സര, ഉപഭോക്തൃ സംരക്ഷണ കമ്മീഷനോട് ആവശ്യപ്പെടുന്നു.
കാപട്യം ആദ്യം കണ്ടത് സെന്‍ട്രല്‍ ബാങ്ക്
ഉപയോക്താക്കള്‍ക്ക് സൗജന്യമായി ഒന്നും ലഭിക്കില്ലെന്നതിനാല്‍ ക്യാഷ്ബാക്ക് മോര്‍ട്ട്ഗേജുകള്‍ വാഗ്ദാനം ചെയ്യുന്ന ബാങ്കുകള്‍ അവരുടെ നിബന്ധനകള്‍ വ്യക്തവും സുതാര്യവുമാക്കണമെന്ന് 2019ല്‍ ഒറിയാച്ചാസ് കമ്മിറ്റിയില്‍ സെന്‍ട്രല്‍ ബാങ്ക് ഗവര്‍ണര്‍ ഗബ്രിയേല്‍ മഖ്‌ലൂഫ് ചൂണ്ടിക്കാട്ടിയിരുന്നു.
ഐറിഷ് മലയാളി ന്യൂസ്’
ഐറിഷ് മലയാളി ന്യൂസില്‍ നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്‌സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക
Comments are closed.