ബാങ്ക് ഓഫ് അയര്‍ലണ്ട് 103 ശാഖകള്‍ അടച്ചുപൂട്ടുന്നു,പകരം സര്‍വീസ് പോസ്റ്റ് ഓഫീസുകള്‍ വഴി
ഡിജിറ്റല്‍ ബാങ്കിംഗ് വഴി സേവനങ്ങള്‍ ത്വരിതപ്പെടുത്താനായുള്ള ബാങ്കിന്റെ നീക്കം ഒരു സുപ്രധാന ഘട്ടത്തിലെത്തിയതിനെ തുടര്‍ന്നാണ് ബാങ്ക് ഇപ്രകാരമുള്ള നിര്‍ണ്ണായക തീരുമാനം എടുക്കേണ്ടിവന്നത്.
പ്രധാനമായും സെല്ഫ് സര്‍വീസ് ശാഖകളാണ് അടച്ചു പൂട്ടുന്നത്. അവ നിലവില്‍ സേവനം നല്‍കുന്നവയല്ല.,സെപ്റ്റംബര്‍ അവസാനം മുതല്‍ ഇത്തരം ശാഖകള്‍ അടച്ചിടുമെന്ന് ബാങ്ക് ഓഫ് അയര്‍ലണ്ട് വ്യക്തമാക്കി.
അടച്ചുപൂട്ടലിന്റെ ഫലമായി, റിപ്പബ്ലിക് ഓഫ് അയര്‍ലണ്ടിലെ ബാങ്കിന്റെ ബ്രാഞ്ചുകളുടെ എണ്ണം 169 ല്‍ നിന്ന് 88 ആയി കുറയും, വടക്കന്‍ അയര്‍ലന്‍ഡില്‍ 15 ശാഖകള്‍ അടയ്ക്കുകയും 13 എണ്ണം നിലനിര്‍ത്തുകയും ചെയ്യും.
ആന്‍ പോസ്റ്റുമായിപുതിയ പങ്കാളിത്തപ്രവര്‍ത്തനങ്ങള്‍ അംഗീകരിച്ചതായി ബാങ്ക് ഓഫ് അയര്‍ലന്‍ഡ് അറിയിച്ചു. ഇത് ബാങ്ക് ഓഫ് അയര്‍ലന്‍ഡ് ഉപഭോക്താക്കള്‍ക്ക് അയര്‍ലണ്ടിലുടനീളമുള്ള 900 ലധികം പോസ്റ്റ് ഓഫീസുകളിലൂടെ ബാങ്കിംഗ് സേവനങ്ങള്‍ നല്‍കാനുള്ള അവസരം ഒരുക്കും..
ബാങ്കിന്റെ ഇടപാടുകാര്‍ക്ക് കൗണ്ടര്‍ ക്യാഷ്, ചെക്ക് ലോഡ്ജുകള്‍, പണം പിന്‍വലിക്കല്‍ എന്നി സേവനങ്ങളെല്ലാം പോസ്റ്റ് ഓഫീസുകള്‍ വഴി നടത്താനാവും.
ബാങ്ക് ഓഫ് അയര്‍ലന്‍ഡ് ഇപ്പോള്‍ അടച്ചു പൂട്ടാന്‍ തീരുമാനിച്ചിരിക്കുന്ന ശാഖകള്‍ക്കെല്ലാം ശരാശരി 500 മീറ്റര്‍ പരിധിയില്‍ ഒരു പോസ്റ്റോഫീസ് ഉണ്ട്.അത് കൊണ്ട് തന്നെ അടച്ചു പൂട്ടല്‍ ഇടപാടുകാരെ കാര്യമായി ബാധിക്കുകയില്ലെന്ന് ബാങ്ക് അധികൃതര്‍ വ്യക്തമാക്കി.
രാജ്യവ്യാപകമായി ശാഖകള്‍ അടയ്ക്കാനുള്ള ഇന്നത്തെ തീരുമാനത്തിന്റെ ഫലമായി നിര്‍ബന്ധിത ആവര്‍ത്തനങ്ങള്‍ ഉണ്ടാകില്ലെന്ന് ബാങ്ക് ഓഫ് അയര്‍ലന്‍ഡ് അറിയിച്ചു.
അടച്ചുപൂട്ടുന്ന ശാഖകള്‍
Comments are closed.