ചിരിപടര്‍ത്തി നിവിന്‍ പോളിയുടെ ‘കനകം കാമിനി കലഹം’ ട്രെയ്ലര്‍; അടുത്തമാസം ഹോട്ട്സ്റ്റാറില്‍ റിലീസ്
കൊച്ചി : ഓരോ ‘അലറലിനും’ തുല്യവും വിപരീതവുമായ ഒരു പ്രതിപ്രവര്‍ത്തനം ഉണ്ടായിരിക്കും…! നിവിന്‍ പോളി ചിത്രം കനകം കാമിനി കലഹത്തിന്റെ രസകരമായ ടീസര്‍ റിലീസായി. നവംബര്‍ 12ന് ഡിസ്‌നി + ഹോട്ട്സ്റ്റാറിലൂടെയാണ് ‘കനകം കാമിനി കലഹം’ പ്രേക്ഷകരിലെത്തുന്നത്.
നിവിന്‍ പോളിയുടെ തന്നെ ബാനറായ പോളി ജൂനിയര്‍ പിക്ചേഴ്‌സ് നിര്‍മ്മിക്കുന്ന ചിത്രത്തിന്റെ സംവിധാനം നിര്‍വഹിക്കുന്നത് ‘ആന്‍ഡ്രോയിഡ് കുഞ്ഞപ്പന്‍’ എന്ന ആദ്യചിത്രത്തിലൂടെ തന്നെ മികച്ച നവാഗത സംവിധായകനുള്ള സംസ്ഥാന അവാര്‍ഡ് കരസ്ഥമാക്കിയ രതീഷ് ബാലകൃഷ്ണന്‍ പൊതുവാളാണ്.
വിനയ് ഫോര്‍ട്ട്, സുധീഷ്, ജോയ് മാത്യു, ജാഫര്‍ ഇടുക്കി, ശിവദാസന്‍ കണ്ണൂര്‍, സുധീര്‍ പറവൂര്‍, രാജേഷ് മാധവന്‍, വിന്‍സി അലോഷ്യസ് എന്നിവര്‍ മറ്റ് അഭിനേതാക്കള്‍. യാക്സന്‍ ഗാരി പെരേര, നേഹ നായര്‍ എന്നിവര്‍ സംഗീതം പകരുന്ന ഈ ചിത്രത്തിന്റെ ഛായാഗ്രഹണം വിനോദ് ഇല്ലംപ്പള്ളി നിര്‍വ്വഹിക്കുന്നു.
എഡിറ്റിംങ്- മനോജ് കണ്ണോത്ത്, സൗണ്ട് ഡിസൈനര്‍- ശ്രീജിത്ത് ശ്രീനിവാസന്‍, കല- അനീസ് നാടോടി, കോസ്റ്റ്യൂംസ്- മെല്‍വി ജെ, മേക്കപ്പ്- ഷാബു പുല്‍പ്പള്ളി, പ്രൊഡക്ഷന്‍ കണ്‍ട്രോളര്‍- പ്രവീണ്‍ ബി മേനോന്‍, പരസ്യകല- ഓള്‍ഡ് മോങ്ക്സ്.
ഐറിഷ് മലയാളി ന്യൂസ്
ഐറിഷ് മലയാളി ന്യൂസില്‍ നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക: https://chat.whatsapp.com/LdLhE82ExfWGQlqDthwBdE
Comments are closed.