അയര്‍ലണ്ടില്‍ പലചരക്ക് സാധനങ്ങളുടെ പണപ്പെരുപ്പം രണ്ട് വര്‍ഷത്തിനിടയിലെ ഏറ്റവും ഉയര്‍ന്ന നിലയില്‍
ഡബ്ലിന്‍ : അയര്‍ലണ്ടില്‍ പലചരക്ക് സാധനങ്ങളുടെ പണപ്പെരുപ്പം രണ്ട് വര്‍ഷത്തിനിടയിലെ ഏറ്റവും ഉയര്‍ന്ന നിലയിലെത്തിയെന്ന് കണക്കുകള്‍.രാജ്യത്തെ മൊത്തം പണപ്പെരുപ്പ നിരക്കിന്റെ ഇരട്ടിയിലധികമാണിതെന്ന് വേള്‍ഡ്പാനല്‍ കണക്കുകള്‍ വ്യക്തമാക്കുന്നു.
ബജറ്റില്‍ കാര്യമായ ആശ്വാസ നടപടികളൊന്നുമില്ലാത്തതിനാല്‍ സൂപ്പര്‍മാര്‍ക്കറ്റുകളില്‍ വിലകള്‍ കുതിച്ചുയരുകയാണ്.ഇത് കുടുംബങ്ങളുടെ പണപ്പെരുപ്പത്തെ ബാധിക്കുമെന്നും കണക്കുകള്‍ ചൂണ്ടിക്കാട്ടുന്നു.ഷോപ്പര്‍മാര്‍ ഏകദേശം 18.2 മില്യണ്‍ യൂറോ ഇക്കാരണത്താല്‍ അധികമായി ചെലവഴിച്ചെന്നും കണക്കുകള്‍ പറയുന്നു.
പ്രീമിയം ലേബല്‍ ലൈനുകളില്‍, മദ്യം (31%), ഫ്രോസണ്‍ ഫുഡ് (31%), സ്വീറ്റ്സ് സ്പ്രെഡുകള്‍ എന്നിവയിലും വര്‍ധനവുണ്ടായി.കഴിഞ്ഞ 12 ആഴ്ചകളില്‍ (43%) വളര്‍ച്ചയാണ് നേടിയത്.സ്റ്റാന്‍ഡേര്‍ഡ് ഓണ്‍-ലേബലുകളുടെ വില്‍പ്പനയിലും കഴിഞ്ഞ വര്‍ഷത്തെ അപേക്ഷിച്ച് 5.6% വര്‍ധനവുണ്ടായി.
ഗ്രോസറി സാധനങ്ങളുടെ പണപ്പെരുപ്പം 6.5% എന്ന 2023 ഡിസംബറിന് ശേഷമുള്ള ഏറ്റവും ഉയര്‍ന്ന നിലയിലാണ്.30,000ത്തിലധികം സമാന ഉല്‍പ്പന്നങ്ങളുടെ വിലയെ അടിസ്ഥാനമാക്കിയുള്ളതാണ് ഈ കണക്കുകള്‍. അതിനാല്‍ ഏറ്റവും ആധികാരികവുമാണ്.അയര്‍ലണ്ടിന്റെ മൊത്തം സമ്പദ്വ്യവസ്ഥയുടെ പണപ്പെരുപ്പം 2.7%മാണ്. ഇതിന്റെ ഇരട്ടിയിലധികമാണ് പലചരക്ക് സാധനങ്ങളുടെ പണപ്പെരുപ്പം.
ക്രിസ്മസും പുതുവല്‍സരവുമൊക്കെ വരാനിരിക്കെ ഈ പണപ്പെരുപ്പത്തിന്റെ തോത് ഇനിയും കൂടുമെന്നാണ് സൂചന.പ്രസിഡന്റ് ഇലക്ഷനിലെ വോട്ടെടുപ്പിനെയും ഈ വിലക്കയറ്റം ബാധിച്ചേക്കുമോയെന്ന ഭീഷണിയും ഉയര്‍ന്നിട്ടുണ്ട്.
അതേ സമയം,വിപണിയിലെ പ്രമോഷണല്‍ ഓഫറുകള്‍ക്കായുള്ള ചെലവുകളും 21.9%മായി ഉയര്‍ന്നു.കഴിഞ്ഞ 12 ആഴ്ചകള്‍ക്കുള്ളില്‍ പ്രമോഷനുകള്‍ക്കായുള്ള ചെലവ് 10.2%മാണ് കൂടിയത്.കഴിഞ്ഞ വര്‍ഷത്തേക്കാള്‍ 71.5 മില്യണ്‍ യൂറോ അധികമായി ചെലവഴിച്ചെന്നാണ് കണക്ക്.രണ്ട് വര്‍ഷം മുമ്പുള്ളതിനേക്കാള്‍ 145 മില്യണ്‍ യൂറോയാണ് പ്രമോഷനുകള്‍ക്കായി ഷോപ്പര്‍മാര്‍ ചെലവഴിക്കുന്നത്.
ഐറിഷ് മലയാളി ന്യൂസ്
ഐറിഷ് മലയാളി ന്യൂസില്‍ നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്‌സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക https://chat.whatsapp.