പേപാല്‍ ബിസിനസ് ഡെബിറ്റ് മാസ്റ്റര്‍കാര്‍ഡ് അയര്‍ലണ്ടിലും
ഡബ്ലിന്‍ : അയര്‍ലന്‍ഡിലും പേപാല്‍ ബിസിനസ് ഡെബിറ്റ് മാസ്റ്റര്‍കാര്‍ഡ് സമാരംഭിച്ചു.
കോവിഡ് -19 പ്രതിരോധമൊരുക്കാന്‍ കോണ്‍ടാക്റ്റ്ലെസ് പേയ്‌മെന്റുകള്‍ വ്യാപകമാക്കുന്നതിന്റെ ഭാഗമായാണിത്. അയര്‍ലന്‍ഡിനൊപ്പം, പേപാല്‍ മാസ്റ്റര്‍കാര്‍ഡ് ഇന്നലെ മുതല്‍ ഓസ്ട്രിയ, ഫ്രാന്‍സ്, ഇറ്റലി, സ്പെയിന്‍ എന്നിവിടങ്ങളിലും ലഭിച്ചു തുടങ്ങി.
ബിസിനസ് ഉപയോക്താക്കള്‍ക്ക് അവരുടെ പേപാല്‍ ഫണ്ടുകളിലോ ഓണ്‍ലൈന്‍, ഇന്‍-സ്റ്റോര്‍ ബിസിനസ്സ് വാങ്ങലുകള്‍ക്കോ പേപാല്‍ ബാലന്‍സിലോ കാര്‍ഡിലൂടെ പ്രവേശിക്കാം.
കാര്‍ഡിന് പ്രതിമാസ ഫീസില്ലെന്നും ചെലവഴിക്കുന്ന ഓരോ യൂറോയ്ക്കും 0.5% ക്യാഷ്ബാക്ക് നല്‍കുമെന്നും
പേപാല്‍ ഇ എം ഇ എയുടെ വിപി മര്‍ച്ചന്റ് ഓപ്പറേഷന്‍സ് മേവ് ഡോര്‍മാന്‍ പറഞ്ഞു. ചെറുകിട ബിസിനസുകളാണ് ഐറിഷ് സമ്പദ്വ്യവസ്ഥയുടെ നട്ടെല്ല്. അവരുടെ സാമ്പത്തിക ഇടപാടുകള്‍ വളരെ ലളിതവും സൗകര്യപ്രദവുമാക്കാനാണ് മാസ്റ്റര്‍കാര്‍ഡ് ശ്രമിക്കുന്നതെന്ന് അയര്‍ലന്‍ഡ് കണ്‍ട്രി മാനേജര്‍ സോന്യ ഗീലോണ്‍ പറഞ്ഞു.
ഐറിഷ് മലയാളി ന്യൂസ്
Comments are closed.