അയര്‍ലണ്ടിലെ മൂന്നിലൊന്ന് കുടുംബങ്ങളും കഷ്ടിച്ച് ജീവിച്ചു പോകുന്നതേയുള്ളു !

ഡബ്ലിന്‍ : പുറമേ കാണുന്നതുപോലെയല്ല, അയര്‍ലണ്ടിലെ മൂന്നിലൊന്ന് കുടുംബങ്ങളും വല്ലാതെ വീര്‍പ്പുമുട്ടി കഷ്ടിച്ച് ജീവിച്ചു പോകുന്നതേയുള്ളുവെന്ന് ബാങ്ക് ഓഫ് അയര്‍ലണ്ടിന്റെ ഏറ്റവും പുതിയ ഇക്കണോമിക് പള്‍സ് റിപ്പോര്‍ട്ടിന്റെ വെളിപ്പെടുത്തല്‍. രാജ്യത്തുടനീളമുള്ള കുടുംബങ്ങളുടെയും സ്ഥാപനങ്ങളുടെയും വീക്ഷണങ്ങള്‍ ഒരുമിച്ച് കൊണ്ടുവരുന്നതാണ് ബാങ്ക് ഓഫ് അയര്‍ലണ്ട് റീജിയണല്‍ പള്‍സ്.

വ്യവസായം, ചില്ലറ വ്യാപാരം, കണ്‍സ്ട്രക്ഷന്‍, സര്‍വ്വീസ് തുടങ്ങിയ വിവിധ മേഖലകളിലെ ജനജീവിതത്തിന്റെ സമ്മിശ്ര നേര്‍ക്കാഴ്ചയാണ് ഈ റിപ്പോര്‍ട്ട് പുറത്തുകൊണ്ടുവരുന്നത്.

ജീവിതച്ചെലവ് ഉയര്‍ത്തുന്ന ഭാരിച്ച ചെലവുകള്‍ മൂലം രാജ്യത്തെ മൂന്നിലൊന്ന് കുടുംബങ്ങളും വരവും ചെലവും ഒരു വിധത്തില്‍ കൂട്ടിമുട്ടിച്ചു പോവുകയാണെന്ന് റിപ്പോര്‍ട്ട് പറയുന്നു.

ജൂണില്‍, ഉപഭോക്തൃ, ബിസിനസ് പള്‍സുകളുടെ സംയോജിത സൂചിക 78.8ല്‍ എത്തി. കഴിഞ്ഞ മാസത്തെ അപേക്ഷിച്ച് 3.9 പോയിന്റിന്റെ കുറവും കഴിഞ്ഞ വര്‍ഷത്തേതിനേക്കാള്‍ 11 പോയിന്റും കുറവുമാണിത്.

ഉപഭോക്തൃ പള്‍സ് ഈ മാസം 51.3ലെത്തി നില്‍ക്കുകയാണെന്ന് റിപ്പോര്‍ട്ട് പറയുന്നു. മേയ് മാസത്തില്‍ ഇത് 4.1 ആയി കുറഞ്ഞു. ഒരു വര്‍ഷം മുമ്പുള്ളതിനേക്കാള്‍ 24.8 കുറവാണിത്.

കുടുംബങ്ങളുടെ സാമ്പത്തിക സ്ഥിതി കഴിഞ്ഞ വര്‍ഷത്തെ അപേക്ഷിച്ച് കൂടുതല്‍ ഇരുണ്ടതാണെന്ന് റിപ്പോര്‍ട്ട് സൂചിപ്പിക്കുന്നു. ഈ മാസത്തെ ഏറ്റവും കുറഞ്ഞ രണ്ടാമത്തെ റീഡിംഗാണ് സീരീസ് രേഖപ്പെടുത്തിയത്.

അതേസമയം, ബിസിനസ് പള്‍സ് ജൂണില്‍ 85.6 ആയെന്നും റിപ്പോര്‍ട്ട് പറയുന്നു. മേയ് മാസത്തേക്കാള്‍ 3.9 കുറവും ഒരു വര്‍ഷം മുമ്പുള്ളതിനേക്കാള്‍ 7.5 കുറവുമാണിത്.

ജൂണില്‍ ബിസിനസ് പള്‍സ് ഈ വര്‍ഷം ആദ്യമായി പ്രീ-പാന്‍ഡെമിക് ലെവലിന് താഴെയായെന്ന് ബാങ്ക് ഓഫ് അയര്‍ലണ്ടിന്റെ ഗ്രൂപ്പ് ചീഫ് ഇക്കണോമിസ്റ്റ് ഡോ. ലോറെറ്റ ഒ സുള്ളിവന്‍ പറഞ്ഞു.

അതേസമയം, വ്യവസായം, റീട്ടെയില്‍, കണ്‍സ്ട്രക്ഷന്‍ പള്‍സ് എന്നിവ ഈ മാസം ഉയര്‍ന്നു. സര്‍വ്വീസ് പള്‍സിലെ ഇടിവ് അഞ്ച് മാസത്തെ നേട്ടത്തിന് ശേഷം മൊത്തത്തിലുള്ള സൂചികയെ താഴേക്കെത്തിച്ചു.

കമ്പനികളുടെ സ്ഥിതിയും പൊതുവെ വെല്ലുവിളി നിറഞ്ഞതാണെന്ന് റിപ്പോര്‍ട്ട് വെളിപ്പെടുത്തുന്നു. അഞ്ചില്‍ മൂന്ന് പേരും അവരുടെ ബിസിനസ്സ് സാഹചര്യത്തിന്റെ ഭാവി പ്രവചിക്കാന്‍ പ്രയാസപ്പെടുകയാണ്.

അടുത്ത കാലയളവില്‍ സെല്ലിംഗ് വില ഉയരുമെന്ന് പ്രതീക്ഷിക്കുന്ന ഓഹരികളുടെ വില രണ്ടാം മാസത്തില്‍ 62% ആയി കുറഞ്ഞു. ഹൗസിംഗ് പള്‍സിന് തുടര്‍ച്ചയായ രണ്ടാം മാസവും ജൂണില്‍ നഷ്ടമുണ്ടായെന്നും റിപ്പോര്‍ട്ട് പറയുന്നു.

ഐറിഷ് മലയാളി ന്യൂസ്

ഐറിഷ് മലയാളി ന്യൂസില്‍ നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്‌സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക: https://chat.whatsapp.com/I4RThsP3QByGf4MgKvY4Gn