പ്രേക്ഷകരുടെ പ്രതീക്ഷകള്‍ക്ക് ഒരിക്കലും മങ്ങലേല്‍പ്പിക്കില്ലെന്ന ഉറപ്പോടെ ‘എമ്പുരാന്’ ഔദ്യോഗിക തുടക്കം
മോഹന്‍ലാലിനെ നായകനാക്കി പൃഥ്വിരാജ് ഒരുക്കുന്ന എമ്പുരാന് ഔദ്യോഗിക തുടക്കം. മോഹന്‍ലാലും, പൃഥ്വിരാജും, തിരക്കഥാകൃത്ത് മുരളി ഗോപിയും, ആന്റണി പെരുമ്പാവൂരും തന്നെയാണ് ഇക്കാര്യം പ്രേക്ഷകരെ അറിയിച്ചത്. ആശിര്‍വാദ് സിനിമാസിന്റെ യൂട്യുബ് ചാനല്‍ വഴി പുറത്തുവിട്ട വീഡിയോയിലാണ് ഇക്കാര്യത്തെക്കുറിച്ച് പറഞ്ഞത്.
ചിത്രത്തിന്റെ സംവിധായകന്‍ പൃഥ്വിരാജാണ് ആദ്യം സംസാരിച്ച് തുടങ്ങിയത്. അവകാശവാദങ്ങള്‍ ഒന്നും തന്നെയില്ലെന്നും മുമ്പ് എമ്പുരാനെ കുറിച്ച് സംസാരിക്കാന്‍ പല തവണ കണ്ടിട്ടുണ്ടെങ്കിലും ഇന്ന് മുതല്‍ ഔദ്യോഗികമായി ചിത്രത്തിന് തുടക്കമാവുകയായാണെന്നുമാണ് അദ്ദേഹം പറഞ്ഞത്. കുറച്ച് വര്‍ഷങ്ങള്‍ക്ക് മുമ്പ് ഒടിയന്റെ സെറ്റില്‍ വെച്ചാണ് ലുസിഫറിന് ഔദ്യോഗിക തുടക്കമായത്. ഇന്ന് ഇപ്പോള്‍ ഇവിടെ വെച്ച് എമ്പുരാന് ഔദ്യോഗികമായി തുടക്കം ആവുകയാണ്. എഴുത്ത് കഴിഞ്ഞു, അഭിനയിക്കുന്നവരുടെ ഡേറ്റ്, ലൊക്കേഷന്‍ എന്നിവയൊക്കെ ഇനിയാണ് നോക്കുന്നത്.
മൂന്ന് ഭാഗങ്ങളുള്ള ഒരു സിനിമയുടെ സെക്കന്‍ഡ് ഇന്‍സ്റ്റാള്‍മെന്റാണ് ഇത് കണ്‍സീവ് ചെയ്തിരിക്കുന്നതെന്നും മുരളി ഗോപി പറഞ്ഞു. ‘എമ്പുരാനെ’ കുറിച്ചുള്ള പ്രതീക്ഷകള്‍ മോഹന്‍ലാലും പങ്കുവെച്ചു. ‘ലൂസിഫര്‍’ ഒരു അദ്ഭുത വിജയമായി മാറി. അതിന് ഒരുപാട് പരിശ്രമങ്ങളുണ്ട്. പ്രേക്ഷകര്‍ സ്വീകരിച്ച ഒരു രീതിയുണ്ട്. അപ്പോള്‍ അടുത്ത സിനിമ എന്ന് പറയുമ്പോള്‍ ഒരു കമിറ്റ്‌മെന്റുണ്ട്.
‘ലൂസിഫര്‍’ എന്ന സിനിമയെ വെച്ച് ചിന്തിക്കുമ്പോള്‍ ‘എമ്പുരാന്’ അതിന്റെ മുകളില്‍ നില്‍ക്കണം. അങ്ങനെ സംഭവിക്കട്ടെ എന്ന പ്രാര്‍ഥനയോടെ ഞങ്ങള്‍ തുടങ്ങുകയാണ്. നിങ്ങളുടെ പ്രതീക്ഷകളെ ഒരിക്കലും മങ്ങലേല്‍പ്പിക്കാതിരിക്കാനാണ് ഞങ്ങള്‍ ശ്രമിക്കുന്നത് എന്നും ആദ്ദേഹം കൂട്ടിച്ചേര്‍ത്തു.
ഐറിഷ് മലയാളി ന്യൂസ്
ഐറിഷ് മലയാളി ന്യൂസില്‍ നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്‌സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക: https://chat.whatsapp.com/I4RThsP3QByGf4MgKvY4Gn
Comments are closed.