‘നിണം’ എന്ന ചിത്രത്തിന്റെ മോഷന്‍ പോസ്റ്റര്‍ റിലീസായി
കൊച്ചി : മൂവി ടുഡേ ക്രിയേഷന്‍സിന്റെ ബാനറില്‍ നിര്‍മ്മിക്കുന്ന ‘നിണം’ എന്ന ചിത്രത്തിന്റെ മോഷന്‍ പോസ്റ്റര്‍ റിലീസായി. അനു സിത്താര, ടിനി ടോം, ബാദുഷ, അന്ന രേഷ്മ രാജന്‍, നിമിഷ സജയന്‍, ഇര്‍ഷാദ് അലി, അനിഘ സുരേന്ദ്രന്‍, സെന്തില്‍ കൃഷ്ണ, മറീന മൈക്കിള്‍, സിബി തോമസ് തുടങ്ങിയവരുടെ പേജുകളിലൂടെയായിരുന്നു റിലീസ്.
രാത്രിയുടെ യാമങ്ങളില്‍ നരവേട്ട ലക്ഷ്യമിട്ട് രണ്ടുപേര്‍ മിന്നല്‍പ്പിണര്‍പ്പോലെ ഒരാള്‍ക്കു നേരെ നീങ്ങുന്നതാണ് മോഷന്‍ പോസ്റ്ററിലുള്ളത്. തീര്‍ത്തും ദുരൂഹത മുറ്റി നില്‍ക്കുന്ന മോഷന്‍ പോസ്റ്റര്‍ വിഷ്വല്‍ ഇതിനോടകം സമൂഹിക മാധ്യമങ്ങള്‍ ഏറ്റെടുത്തു കഴിഞ്ഞു.
പ്രതികാരത്തിലൂന്നിയ ഫാമിലി സസ്പെന്‍സ് ത്രില്ലറാണ് നിണം. നവംബറില്‍ ചിത്രീകരണമാരംഭിക്കുന്ന നിണത്തിന്റെ ലൊക്കേഷന്‍ തിരുവനന്തപുരവും പരിസര പ്രദേശങ്ങളുമാണ്.
ബാനര്‍, നിര്‍മ്മാണം -മൂവി ടുഡേ ക്രിയേഷന്‍സ്, സംവിധാനം അമര്‍ദീപ്, കഥ, തിരക്കഥ, സംഭാഷണം -വിഷ്ണുരാഗ്, ഛായാഗ്രഹണം – വിപിന്ദ് വി രാജ്, പ്രോജക്ട് ഡിസൈനര്‍ -ജയശീലന്‍ സദാനന്ദന്‍, എഡിറ്റിംഗ് – വിപിന്‍ മണ്ണൂര്‍, ഗാനരചന – സുമേഷ് മുട്ടറ, സംഗീതം, പശ്ചാത്തലസംഗീതം – സുധേന്ദുരാജ്, സിജു ഹസ്രത്ത്, ആലാപനം – ഫര്‍ഹാന്‍, എം ആര്‍ ഭൈരവി, അസ്സോസിയേറ്റ് ഡയറക്ടര്‍ – ഷാന്‍ എസ് എം കടയ്ക്കാവൂര്‍, കല- ബിനില്‍ കെ ആന്റണി, ചമയം – പ്രദീപ് വിതുര, വസ്ത്രാലങ്കാരം – ശ്രീജിത്ത് കുമാരപുരം, സ്റ്റില്‍സ് – അജേഷ് ആവണി, ഡിസൈന്‍സ് – പ്ളാനറ്റ് ഓഫ് ആര്‍ട്ട് സ്റ്റുഡിയോ, ഗിരീഷ് കടയ്ക്കാവൂര്‍, സൂര്യ കൃഷ്ണ, മനീഷ് മോഹനന്‍, ശരത് ശ്രീഹരി, സജിത്ത്, മിഥുന്‍ പുലരി, പ്രദീപ് ആനന്ദന്‍, രാജേഷ് ഭാനു, ലതദാസ്, കലാഭവന്‍ നന്ദന എന്നിവരാണ് ചിത്രത്തിലെ അഭിനേതാക്കള്‍.
ഐറിഷ് മലയാളി ന്യൂസ്
ഐറിഷ് മലയാളി ന്യൂസില്‍ നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക: https://chat.whatsapp.com/LdLhE82ExfWGQlqDthwBdE
Comments are closed.