ലൂക്കന്‍ പൊന്നോണം ഇന്ന് , ഒരുക്കങ്ങള്‍ പൂര്‍ത്തിയായി
അത്തപ്പൂക്കളം,രസകരമായ വിവിധ കലാ കായിക മത്സരങ്ങള്‍, സൗഹൃദ വടംവലി മത്സരം എന്നിവക്ക് ശേഷം ഓണസദ്യ നടത്തും.
ഉച്ചക്ക് ശേഷം പുലികളി, മാവേലി മന്നന് വരവേല്‍പ്പ്, ചെണ്ടമേളം ,ശിങ്കാരി മേളം, തിരുവാതിര, വഞ്ചിപ്പാട്ട്, നാടന്‍ പാട്ട്, നാടോടി നൃത്തം, മോഹിനിയാട്ടം,കേരള നടനം,കോല്‍ക്കളി, രസകരമായ കിച്ചന്‍ ഓര്‍ക്കസ്ട്ര, സംഗീത സ്‌കിറ്റ് ‘ഷാപ്പിലെ പാട്ട്’ എന്നിവ അരങ്ങേറും.
ലൂക്കനിലെ പ്രഗത്ഭരായ നൃത്താധ്യാപകരായ ഫിജി സാവിയോയുടെ നേതൃത്വത്തിലുള്ള വര്‍ണ്ണം സ്‌കൂള്‍ ഓഫ് ഡാന്‍സിലെ കുട്ടികളുടെയും , അമൃത റ്റി വി ഫെയിം സപ്ത രാമന്‍ നമ്പൂതിരിയുടെ നേതൃത്വത്തിലുള്ള സപ്ത സ്വര ഇന്‍സ്റ്റിറ്റ്യൂട്ട് ഓഫ് പെര്‍മോര്‍മിങ് ആര്‍ട്‌സിലെ കുട്ടികളുടെയും, സൂര്യ റ്റി വി ഫെയിം ജിത്ത് നയിക്കുന്ന ജിത്ത് ഡാന്‍സ് സ്റ്റുഡിയോയിലെ കുട്ടികളുടെയും നൃത്ത നൃത്ത്യങ്ങള്‍ ആഘോഷം പ്രൗഡഗംഭീരമാക്കും.
ഫാ. ആന്റണി നല്ലുക്കുന്നേല്‍ ഓണ സന്ദേശം നല്‍കും. ലീവിങ് സെര്‍ട്ട് പരീക്ഷയില്‍ ഉന്നത വിജയം നേടിയവരെ ആദരിക്കും.
ലൂക്കന്‍ ക്ലബ്ബിന്റെ നേതൃത്വത്തിലുള്ള ചാരിറ്റി ഭവന നിര്‍മ്മാണ കൂപ്പണിന്റെ നറുക്കെടുപ്പും സമ്മാനദാനവും അതോടൊപ്പം നടക്കും.ഒന്നാം സമ്മാനം ഒരു പവന്‍ സ്വര്‍ണ്ണ നാണയവും ( സ്‌പോണ്‍സര്‍ : ജോസഫ് കളപ്പുരക്കല്‍) രണ്ടാം സമ്മാനം അര പവന്‍ സ്വര്‍ണ്ണ നാണയവും ( സ്‌പോണ്‍സര്‍ : തോമസ് കളത്തിപ്പറമ്പില്‍) മൂന്നാം സമ്മാനം മൂന്നുപേര്‍ക്ക് 100 യൂറോയുമാണ്.സമ്മാന കൂപ്പണ്‍ 24 ന് ഉച്ചക്ക് 2 മണിവരെ ഹാളില്‍ ലഭ്യമായിരിക്കും.
ആഘോഷത്തിന്റെ ഒരുക്കങ്ങള്‍ പൂര്‍ത്തിയായതായി പ്രസിഡണ്ട് റെജി കുര്യന്‍, സെക്രട്ടറി രാജു കുന്നക്കാട്ട്, ട്രഷറര്‍ റോയി പേരയില്‍ എന്നിവര്‍ അറിയിച്ചു.
വിവരങ്ങള്‍ക്ക് :
സെബാസ്റ്റ്യന്‍ കുന്നുംപുറം :
087 391 4247
ഷൈബു കൊച്ചിന്‍ :
087 684 2091
ബെന്നി ജോസ് :
087 774 7255
ഐറിഷ് മലയാളി ന്യൂസ്
ഐറിഷ് മലയാളി ന്യൂസില്‍ നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക https://chat.whatsapp.com/I4RThsP3QByGf4MgKvY4Gn
Comments are closed.