ഇന്ത്യന്‍ റിപ്പബ്ലിക് ദിനം ആഘോഷിക്കാന്‍ അയര്‍ലണ്ടിനും കാരണങ്ങളേറെ….
ന്യൂഡല്‍ഹി: ഇന്ത്യന്‍ റിപ്പബ്ലിക് ദിനം ആഘോഷിക്കാന്‍ അയര്‍ലണ്ടിനും കാരണങ്ങളേറെയാണ്. ഐറിഷ് ഭരണഘടനയില്‍ നിന്ന് പ്രചോദനം ഉള്‍ക്കൊണ്ടതാണ് ഇന്ത്യന്‍ ഭരണഘടനയിലെ ചില വ്യവസ്ഥകളെന്നത് അതില്‍ പ്രധാനമാണ്. എന്നാല്‍ ഇക്കാര്യം അധികമാര്‍ക്കും അറിയില്ല. മുതിര്‍ന്ന നയതന്ത്രജ്ഞനും ഇന്ത്യയിലെ ഐറിഷ് അംബാസഡറുമായ ബ്രണ്ടന്‍ വാര്‍ഡ് റിപ്പബ്ലിക്ക് ദിനത്തിന്റെ പശ്ചാത്തലത്തില്‍ വളരുന്ന ഇന്ത്യ- അയര്‍ലണ്ട് ബാന്ധവത്തെ കുറിച്ച് സ്വകാര്യമാധ്യമവുമായുള്ള അഭിമുഖത്തില്‍ മനസ്സുതുറക്കുന്നു.മുമ്പ് തുര്‍ക്കിയുടെ ഐറിഷ് പ്രതിനിധിയായും ഇദ്ദേഹം സേവനമനുഷ്ഠിച്ചിട്ടുണ്ട്.
ഇന്ത്യന്‍ ഭരണഘടനയുടെ ഡയറക്റ്റീവ് പ്രിന്‍സിപ്പിള്‍സ് ഓഫ് സ്റ്റേറ്റ് പോളിസി അയര്‍ലണ്ട് ഭരണഘടനയില്‍ നിന്ന് ഉള്‍ക്കൊണ്ടതാണെന്ന് ഇന്ത്യയിലെ ഐറിഷ് അംബാസഡര്‍ ബ്രണ്ടന്‍ വാര്‍ഡ് സ്ഥിരീകരിക്കുന്നു.അയര്‍ലണ്ടിലെ വര്‍ധിച്ചുവരുന്ന ഇന്ത്യക്കാരുടെ സാന്നിധ്യവും ഉയരുന്ന വ്യാപാര നിക്ഷേപങ്ങളും അയര്‍ലണ്ടിന് ഇന്ത്യയോടുള്ള ഇഴയടുപ്പം കൂട്ടുന്നതാണ്.- വാര്‍ഡ് പറയുന്നു.അഭിമുഖത്തിന്റെ സംക്ഷിപ്തം-
അയര്‍ലണ്ടിലെ വളരുന്ന ഇന്ത്യന്‍ സമൂഹം
അയര്‍ലണ്ടിലെ ഇന്ത്യന്‍ സമൂഹം അതിവേഗം വളരുകയാണ്. ഇപ്പോള്‍ അത് ഏകദേശം നാല്‍പതിനായിരമായിട്ടുണ്ട്. ഐസിടി, ഫാര്‍മ, ഫിനാന്‍സ്, ഹെല്‍ത്ത് കെയര്‍, വിദ്യാഭ്യാസം, സേവനങ്ങള്‍ തുടങ്ങിയ മേഖലകളിലാണ് അവര്‍ പ്രവര്‍ത്തിക്കുന്നത്. ഇന്ത്യന്‍ പാരമ്പര്യങ്ങളും ഉത്സവങ്ങളും ഇപ്പോള്‍ ഐറിഷ് ജീവിതത്തിന്റെ ഭാഗമായി മാറുന്നുവെന്നാണ് ഈ ജനസാന്നിധ്യം അര്‍ത്ഥമാക്കുന്നത്. ഇന്ത്യക്കാര്‍ക്ക് ധാരാളം അവസരങ്ങള്‍ നല്‍കുന്ന യൂറോപ്പിലെ മികച്ച അഞ്ച് ധനകാര്യ കേന്ദ്രങ്ങളിലൊന്നായി അയര്‍ലന്‍ഡ് മാറിയിട്ടുണ്ട്.
ടൂറിസവും കുതിപ്പില്‍ത്തന്നെ
ഇന്ത്യയില്‍ നിന്നുള്ള ടൂറിസവും അതിവേഗം വളരുകയാണ്. കുടുംബ സന്ദര്‍ശനങ്ങള്‍ക്ക് പുറമെ മത്സ്യബന്ധനം, സവാരി, ഗോള്‍ഫ്, ഷൂട്ടിംഗ്, ഹൈക്കിംഗ്, വാട്ടര്‍ സ്പോര്‍ട്സ് തുടങ്ങിയ ഐറിഷ് പ്രവര്‍ത്തനങ്ങളും ശ്രദ്ധാകേന്ദ്രമായിട്ടുണ്ട്.അയര്‍ലണ്ടിന്റെ പുരാതന കോട്ടകളും പുരാവസ്തു സ്ഥലങ്ങളും സന്ദര്‍ശിക്കാന്‍ നിരവധി ഇന്ത്യക്കാര്‍ എത്താറുണ്ട്.ഐറിഷ് വിനോദസഞ്ചാരികളെ സംബന്ധിച്ചിടത്തോളം ഇന്ത്യ ആകര്‍ഷകവും ആവേശകരവുമായ ലക്ഷ്യസ്ഥാനമായി തുടരുകയാണ്. ഓരോ വര്‍ഷവും സന്ദര്‍ശകരുടെ എണ്ണം വര്‍ദ്ധിച്ചുകൊണ്ടേയിരിക്കുന്നുവെന്ന് വാര്‍ഡ് ചൂണ്ടിക്കാട്ടുന്നു.
വര്‍ധിക്കുന്ന വ്യാപാരവും നിക്ഷേപവും
വ്യാപാരവും നിക്ഷേപവും അയര്‍ലണ്ടിലെ ഇന്ത്യന്‍ പ്രവാസികളും ഇരു രാജ്യങ്ങളെയും അടുത്ത കാലത്തായി കൂടുതല്‍ അടുപ്പിക്കുന്ന കണ്ണികളാണ് .മുംബൈയിലെ അയര്‍ലന്‍ഡ് ഹൗസിലെ എന്റര്‍പ്രൈസ് അയര്‍ലണ്ടിലെയും ഐഡിഎയിലെയും സ്പെഷ്യലിസ്റ്റുകളുടെ സാന്നിധ്യം ബന്ധങ്ങള്‍ വളര്‍ത്തിയെടുക്കുന്നതിനും വികസിപ്പിക്കുന്നതിനും വളരെ സഹായകമായിട്ടുണ്ടെന്ന് ബ്രണ്ടന്‍ വാര്‍ഡ് പറയുന്നു.
യൂറോപ്യന്‍ യൂണിയനില്‍ സാന്നിധ്യം തേടുന്ന ഇന്ത്യന്‍ കമ്പനികളെ സംബന്ധിച്ചിടത്തോളം അയര്‍ലന്‍ഡ് ഒരു പൊതു ഭാഷയും നിയമവ്യവസ്ഥയും ഉള്ള ഒരു സ്വാഭാവിക ഇടമാണ്. ഏഷ്യയില്‍ നിക്ഷേപം നടത്തുന്ന ഐറിഷ് കമ്പനികളും ഇന്ത്യയില്‍ നേട്ടങ്ങള്‍ക്ക് ശ്രമിക്കുന്നു. ടു-വേ ട്രേഡില്‍ ഇപ്പോള്‍ പ്രതിവര്‍ഷം 4 ബില്യണ്‍ യൂറോ കവിഞ്ഞിട്ടുണ്ട്.
കയറ്റുമതിയും ഇറക്കുമതിയും വര്‍ധിക്കുന്നു
2019 ലെ മൊത്തം ഇന്തോ-ഐറിഷ് ഉഭയകക്ഷി വ്യാപാരം 1.2 ബില്യണ്‍ യൂറോ ആയിരുന്നു. അയര്‍ലണ്ടിലേക്കുള്ള ഇന്ത്യന്‍ കയറ്റുമതി 636 മില്യണ്‍ യൂറോയുടേതാണ്. അയര്‍ലണ്ടില്‍ നിന്നും 480 മില്യണ്‍ യൂറോയുടെ ഇറക്കുമതിയുമുണ്ട്. യന്ത്രങ്ങള്‍, മെക്കാനിക്കല്‍ ഉപകരണങ്ങള്‍, ടെലികമ്മ്യൂണിക്കേഷന്‍ ഉപകരണങ്ങള്‍, കമ്പ്യൂട്ടര്‍ ആക്സസറികള്‍, കൃത്യമായ ഉപകരണങ്ങള്‍, ഫാര്‍മസ്യൂട്ടിക്കല്‍സ് എന്നിവയാണു ഇന്ത്യയില്‍ നിന്ന് ഇറക്കുമതി ചെയ്യുന്ന പ്രധാന ഇനങ്ങള്‍.ജൈവ രാസവസ്തുക്കള്‍, തുണിത്തരങ്ങള്‍, വസ്ത്രങ്ങള്‍, ഫാര്‍മസ്യൂട്ടിക്കല്‍സ്, മെഡിക്കല്‍ ഉപകരണങ്ങള്‍, യന്ത്രങ്ങള്‍, ലൈറ്റ് എഞ്ചിനീയറിംഗ് വസ്തുക്കള്‍, പ്ലാസ്റ്റിക്, റബ്ബര്‍ എന്നിവയാണ് ഇന്ത്യയില്‍ നിന്ന് കയറ്റുമതി ചെയ്യുന്ന പ്രധാന വസ്തുക്കള്‍.
സിആര്‍എച്ച് ടാക്സ്ബാക്ക് ഗ്രൂപ്പ്, കൊനോലി റെഡ് മില്‍സ്, ഗ്ലോബോഫോഴ്സ്, കെവെന്റര്‍, ഐക്കണ്‍, കെറി ഗ്രൂപ്പ്, ഡിയാജിയോ, ഗ്ലാന്‍ബിയ എന്നിവയാണ് ഇന്ത്യയില്‍ സാന്നിധ്യമുള്ള പ്രധാന ഐറിഷ് കമ്പനികള്‍. പൈന്‍വുഡ് / വോക്ഹാര്‍ട്ട്, റിലയന്‍സ് ജെനെമെഡിക്സ്, ക്രോംപ്ടണ്‍ ഗ്രീവ്സ്, ദീപക് ഫാസ്റ്റണേഴ്സ്, ജെയിന്‍ ഇറിഗേഷന്‍ സിസ്റ്റംസ്, ഷാപൂര്‍ജി പല്ലോഞ്ചി, അമ്നീല്‍ ഫാര്‍മസ്യൂട്ടിക്കല്‍സ്, വിപ്രോ, ടിസിഎസ്, ഇന്‍ഫോസിസ്, എച്ച്സിഎല്‍ എന്നിവ അയര്‍ലണ്ടിലെ ഇന്ത്യന്‍ സാന്നിധ്യമുള്ള പ്രധാന കമ്പനികള്‍.
ബ്രക്സിറ്റും ഇന്ത്യന്‍ സാധ്യതകളും
ബ്രക്‌സിറ്റിന്റെ പശ്ചാത്തലത്തില്‍, അയര്‍ലണ്ടിന് ഇന്ത്യയുടെ ഇന്ത്യയുടെ ശക്തമായ പങ്കാളിയായി ഉയര്‍ന്നുവരാന്‍ കഴിയും. ഇന്ത്യയിലെ ഇംഗ്ലീഷ് സ്പീക്കിംഗ്, പൊതു നിയമം, കുറഞ്ഞ കോര്‍പ്പറേറ്റ് നികുതി, വിദഗ്ദ്ധരായ തൊഴില്‍ ശക്തി എന്നിവ അയര്‍ലണ്ടിന് പ്രത്യേക നേട്ടമാകുമെന്ന് വാര്‍ഡ് പറഞ്ഞു.
എഞ്ചിനീയറിംഗ്, ടെക്നോളജി, മെഡിസിന്‍, മാനേജ്മെന്റ് എന്നീ മേഖലകളിലെ ഉന്നത വിദ്യാഭ്യാസം ആഗ്രഹിക്കുന്ന ഇന്ത്യന്‍ വിദ്യാര്‍ത്ഥികള്‍ക്ക്, പ്രത്യേകിച്ച് ബിരുദാനന്തര, ഡോക്ടറല്‍, പോസ്റ്റ്-ഡോക്ടറല്‍ വിദ്യാര്‍ത്ഥികള്‍ക്ക് അയര്‍ലന്‍ഡ് ഒരു പ്രധാന ലക്ഷ്യസ്ഥാനമായിട്ടുണ്ട്. ട്രിനിറ്റി കോളേജും പാട്യാല ഥാപ്പര്‍ സര്‍വകലാശാലയും തമ്മില്‍ അഞ്ച് എന്‍ജിനീയറിംഗ്, സയന്‍സ് വിഭാഗങ്ങളില്‍ ജോയിന്റ് ഡിഗ്രി പ്രോഗ്രാമിനായി ഒരു ധാരണാപത്രമായിട്ടുണ്ട്.
ഇന്ത്യയുടെ എസ് ആന്റ് ടി വകുപ്പും അയര്‍ലണ്ടിലെ സയന്‍സ് ഫൗണ്ടേഷനും തമ്മില്‍ ശാസ്ത്ര സാങ്കേതിക സഹകരണത്തിന്റെ പുതിയ സാധ്യതകളും തേടുകയാണ്. ഡബ്ലിന്‍ സിറ്റി യൂണിവേഴ്സിറ്റിയില്‍ രാഷ്ട്രീയവും അന്താരാഷ്ട്ര കാര്യങ്ങളും സംബന്ധിച്ച ഹ്രസ്വകാല ഐസിസിആര്‍ ചെയര്‍ നിലവിലുണ്ട്.
ഐറിഷ് മലയാളി ന്യൂസ്
https://chat.whatsapp.com/
Comments are closed.