യൂറോപ്പിൽ റെയിൽ യാത്രയ്‌ക്കൊരുങ്ങുന്നവർക്ക് സഹായകമാകുന്ന വെബ്സൈറ്റുകൾ ഏതൊക്കെ.?
യൂറോപ്പ്യൻ രാജ്യങ്ങളിൽ ജീവിക്കുന്ന പല മലയാളികളും ഒരിക്കലെങ്കിലും അഗ്രഹിച്ചിട്ടുള്ള കാര്യമായിരിക്കും ട്രെയിനിൽ യൂറോപ്പ് ചുറ്റിക്കാണുക എന്നത്. കീശ കാലിയാകാതെ എന്നാൽ പ്രകൃതി ഭംഗി ആസ്വദിച്ചും സംസ്കാരങ്ങൾ മനസ്സിലാക്കിയും യാത്ര ചെയ്യാൻ റെയിൽ പോലൊരു ഗതാഗത മാർഗം വേറെയില്ലെന്ന് തന്നെ പറയാം..
കൂടാതെ പാരിസ്ഥിതിക പ്രശ്‌നങ്ങൾ കാരണം റെയിൽ യാത്ര പലരുടെയും പ്രിയപ്പെട്ട ഗതാഗത മാർഗ്ഗമായി മാറുകയാണ് യൂറോപ്പിൽ.. ഒരു ഇലക്ട്രിക് ട്രെയിൻ ഓടുമ്പോൾ ഹരിതഗൃഹ വാതകങ്ങളോ മലിനീകരണങ്ങളോ ഉണ്ടാവില്ലന്നെതിനാൽ മിക്ക രാജ്യങ്ങളും റെയിൽ യാത്രയെ വലിയ രീതിയിൽ പ്രോത്സാഹിപ്പിക്കുന്നുമുണ്ട്.
കുറഞ്ഞ ചെലവില്‍ യൂറോപ്പ് മുഴുവന്‍ ചുറ്റിക്കറങ്ങാനും കാണാനും റെയിൽ ഗതാഗതം ഏറ്റവും മികച്ച ഒരുമാർഗ്ഗമാണ്. ഇന്റര്‍റെയില്‍ പാസുകള്‍ ഉപയോഗപ്പെടുത്തി യുകെ ഉള്‍പ്പെടെ യൂറോപ്പിലെ 33 രാജ്യങ്ങള്‍ കാണാനുള്ള സൗകര്യവും നിലവിലുണ്ട്.
എന്നാൽ ചെലവ് കുറഞ്ഞ ടിക്കറ്റുകളും മികച്ച റൂട്ടുകളും എങ്ങനെ കണ്ടെത്താനാകും? ഇത്തരത്തിൽ ഒരു യാത്ര പുറപ്പെടും മുൻപ് നിങ്ങൾക്ക് ഏറെ ഉപകാരപ്രദമാകുന്ന വിവരങ്ങൾ ലഭ്യമാകുന്ന മികച്ച വെബ്സൈറ്റുകൾ ഇന്ന് നിലവിലുണ്ട്…അവ ഏതൊക്കെയെന്ന് അറിയാനും കൂടുതൽ വിവരങ്ങൾക്കും തുടർന്ന് വായിക്കുക
Seat 61
“ട്രെയിനിൽ സുഖകരവും എന്നാൽ ചെലവ് കുറഞ്ഞതുമായ യാത്ര ചെയ്യാമെന്നതിനെക്കുറിച്ചുള്ള വിവരങ്ങൾ നൽകുന്ന വെബ്സൈറ്റ് ആണ് Seat 61.
യൂറോപ്പിലെ ട്രെയിൻ യാത്രയെക്കുറിച്ചുള്ള ആമുഖവും ഓരോ സ്ഥലത്ത് നിന്നും ലഭ്യമായ ട്രെയിനുകൾ കണ്ടെത്തുന്നതിനുള്ള വിപുലമായ തിരയൽ സംവിധാനവും ഈ സൈറ്റ് ഉപഭോക്താക്കൾക്ക് നൽകുന്നുണ്ട്.
ഉദാഹരണത്തിന്, Salzburg ൽ നിന്ന് ഇറ്റലിയിലേക്കുള്ള ട്രെയിനുകൾക്കായി തിരഞ്ഞാൽ , വെനീസ്, മിലാൻ, ഫ്ലോറൻസ്, റോം, നേപ്പിൾസ് എന്നിവിടങ്ങളിലേക്കുള്ള റൂട്ടുകൾ കണ്ടെത്തി, ഓരോ സ്ഥലത്ത് എപ്പോൾ എത്തും എന്നടക്കം മനസിലാക്കാം കൂടാതെ നൈറ്റ്ജെറ്റ് സേവനത്തിന്റെ സൗകര്യങ്ങളായ എയർ കണ്ടീഷനിംഗ്, ഷവർ, റൂം സർവീസ്, സ്ലീപ്പർ സംവിധാനം തുടങ്ങിയ ഫീച്ചറുകൾ ഉണ്ടോയെന്ന് കണ്ടെത്താനും സാധിക്കും.
TRAINLINE
ട്രെയിൻ യാത്രാ സംവിധാനമൊരുക്കുന്ന അന്താരാഷ്ട്ര കമ്പനിയാണ് ട്രെയിൻലൈൻ. കമ്പനി യുകെ ആസ്ഥാനമായാണ് പ്രവർത്തിക്കുന്നതെങ്കിലും യൂറോപ്പിലുടനീളമുള്ള 45 രാജ്യങ്ങളിൽ ട്രെയിൻ യാത്രയുടെ വിപുലമായ കവറേജുണ്ട്.
തിരഞ്ഞെടുത്ത റൂട്ടിൽ ഏറ്റവും കുറഞ്ഞ ടിക്കറ്റ് നിരക്കുകൾ കണ്ടെത്താൻ ഈ വെബ്‌സൈറ്റിൽ സംവിധാനമുണ്ട്, ബാഴ്‌സലോണയ്ക്കും മാഡ്രിഡിനും ഇടയിലുള്ള 7 യൂറോ ടിക്കറ്റുകൾ, പാരീസിൽ നിന്ന് ആംസ്റ്റർഡാമിലേക്ക് 20 യൂറോ തുടങ്ങിയ ചില മികച്ച ഓഫറുകളും സൈറ്റ് ഹൈലൈറ്റ് ചെയ്യുന്നു.
വെബ്സൈറ്റ് വഴിയോ ആപ്പ് വഴിയോ ട്രെയിൻ ലൈൻ ആക്സസ് ചെയ്യാൻ കഴിയും.
Rail Europe
യൂറോപ്യൻ ട്രെയിൻ ടിക്കറ്റുകളുടെ മുൻനിര വിതരണക്കാരാണ് റെയിൽ യൂറോപ്പ് എന്ന കമ്പനി, ഭൂഖണ്ഡത്തിലുടനീളമുള്ള 25,000 ലക്ഷ്യസ്ഥാനങ്ങളും 11,000 റൂട്ടുകളും വെബ്സൈറ്റ് ഉൾക്കൊള്ളുന്നു.
റെയിൽ യൂറോപ്പിലെ തിരയൽ പ്രവർത്തനം മറ്റ് വെബ്‌സൈറ്റുകൾക്ക് സമാനമായ രീതിയിൽ പ്രവർത്തിക്കുന്നു, റെയിൽ യൂറോപ്പിൽ നിന്ന് നേരിട്ട് റെയിൽ കാർഡുകൾ വാങ്ങാനും സാധിക്കും.
കൂടാതെ, പാരീസിനും ജനീവയ്ക്കും ഇടയിലുള്ള റൂട്ടുകളിലെ പ്രത്യേക ഓഫറുകൾ പോലുള്ള ഏറ്റവും പുതിയ ടിക്കറ്റ് റിലീസുകളുടെയും വിൽപ്പനയുടെയും വിവരങ്ങൾ സൈറ്റിൽ കാണാം.
വെബ്‌സൈറ്റിലോ ആപ്പിലോ ഉപയോക്താക്കൾക്ക് യൂറോ, സ്റ്റെർലിംഗ് അല്ലെങ്കിൽ ഡോളർ (യുഎസ്, കാനഡ, ഓസ്‌ട്രേലിയ) എന്നിവ ഉപയോഗിച്ചും നിങ്ങൾക്ക് ടിക്കറ്റുകൾ വാങ്ങാം.
Interrail
യൂറോപ്പിലെ താമസക്കാർക്ക് ലഭ്യമായ ഒരു റെയിൽ കാർഡാണ് ഇന്റർറെയിൽ പാസ്.അതേസമയം യൂറോപ്പിന് പുറത്ത് താമസിക്കുന്ന ആളുകൾക്ക്, Eurail പാസ് വാങ്ങി യാത്ര ചെയ്യാം.
പാസുകൾ ബാക്ക്പാക്കർമാരെയോ യൂറോപ്പിലുടനീളം യാത്ര ചെയ്യാൻ സമയം ചെലവഴിക്കുന്നവരെയോ ലക്ഷ്യം വച്ചുള്ളതാണ്.
ഗ്ലോബൽ പാസ്, വൺ കൺട്രി പാസ്, ജർമ്മൻ റെയിൽ പാസ് എന്നിങ്ങനെ ഇന്റർറെയിലിന്റെ കുടക്കീഴിൽ വ്യത്യസ്ത പാസുകളെക്കുറിച്ചുള്ള വിശദാംശങ്ങൾ വെബ്‌സൈറ്റിലുണ്ട്.
ഇന്റർറെയിൽ അല്ലെങ്കിൽ യൂറെയിൽ പാസ് വെബ്സൈറ്റ് വഴിയോ റെയിൽ പ്ലാനർ ആപ്പ് വഴിയോ വാങ്ങാനും റിസർവേഷനുകൾ നടത്താനും കഴിയും.
നാഷണൽ റെയിൽ ഓപ്പറേറ്റർമാർ
മേൽ കൊടുത്ത വെബ്സൈറ്റുകൾ കൂടാതെ, മികച്ച ടിക്കെറ്റ് നിരയ്ക്കും യാത്രാ പാസുകളും കണ്ടെത്താൻ ഓരോ രാജ്യത്തിന്റെയും നാഷണൽ റെയിൽ ഓപ്പറേറ്റർമാരുടെ വെബ്സൈറ്റുകൾ പരിശോധിക്കുന്നതും നല്ലൊരു മാർഗ്ഗമാണ്.
ഐറിഷ് മലയാളി ന്യൂസ്
ഐറിഷ് മലയാളി ന്യൂസില്‍ നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക https://chat.
Comments are closed.