അനധികൃത കുടിയേറ്റം തടയാൻ സഹകരിക്കാത്ത രാജ്യങ്ങൾക്കെതിരെ ഈ യൂ

ബ്രസൽസ് : യൂറോപ്പിലേക്കുള്ള അനധികൃത കുടിയേറ്റം തടയാൻ സഹകരിക്കാത്ത രാജ്യങ്ങൾക്കെതിരെ കർശന നടപടി സ്വീകരിക്കുമെന്ന് യൂറോപ്യൻ യൂണിയൻ. കുടിയേറ്റവുമായി ബന്ധപ്പെട്ട കാര്യങ്ങളിൽ നിസ്സഹകരണം തുടർന്നാൽ പ്രസ്തുത രാജ്യങ്ങൾക്ക് അനുവദിച്ച വിസകളുടെ എണ്ണം നിയന്ത്രിച്ചുകൊണ്ട് നടപടി സ്വീകരിക്കും, അതിനാൽ , ഈ യുവിൽ നിന്ന് ആളുകളെ അവരുടെ സ്വരാജ്യത്തേക്ക് നാടുകടത്തുമ്പോൾ സ്വീകരിക്കേണ്ടത് പ്രസ്തുത രാജ്യങ്ങളുടെ ചുമതലയാണ്.EU മന്ത്രിമാർ പറഞ്ഞു.

“കുടിയേറ്റക്കാരുടെ അനിയന്ത്രിതമായ വരവ് വർദ്ധിക്കുന്നതായി കണക്കുകളുണ്ട് … യൂറോപ്പിലേക്ക് അഭയം നിഷേധിക്കപ്പെട്ടവരെ തിരികെ സ്വീകരിക്കാതിരിക്കുന്നത് പ്രധാനപ്പെട്ട ഒരു വിഷയമാണ്,” സ്വീഡനിലെ മൈഗ്രേഷൻ മന്ത്രി മരിയ മാൽമർ സ്റ്റെൻഗാർഡ് ചൂണ്ടിക്കാട്ടി.

2021-ൽ, യൂറോപ്യൻ രാജ്യങ്ങളിൽ നിന്നും 340,500 ആളുകളെ അവരുടെ സ്വദേശത്തേക്ക് തിരികെ അയക്കാൻ സർക്കാരുകൾ ഉത്തരവിട്ടിരുന്നു.. എന്നാൽ യൂറോസ്റ്റാറ്റ് ഡാറ്റ പ്രകാരം ഇവയിൽ 21% മാത്രമാണ് യഥാർത്ഥത്തിൽ നടപ്പിലാക്കിയത്.

യൂറോപ്യൻ കമ്മീഷന്റെ നിലപാട്…

യൂറോപ്യൻ കമ്മീഷൻ പ്രസിഡന്റ് ഉർസുല വോൺ ഡെർ ലെയനും അഭയത്തിന് അർഹത ഇല്ലാത്തവരെ തിരിച്ചയക്കേണ്ടത് അനിവാര്യമാണ് എന്നാണ് പറഞ്ഞത്.

EU വിന്റെ ബാഹ്യ അതിർത്തികളിൽ സ്‌ക്രീനിംഗ് നടപടിക്രമങ്ങൾ വേഗത്തിലാക്കാൻ ലക്ഷ്യമിട്ട് ഈ വർഷത്തിന്റെ ആദ്യ പകുതിയിൽ അവർ ഒരു “പൈലറ്റ് പ്രോജക്റ്റ്” നിർദ്ദേശിച്ചിരുന്നു, അഭയത്തിന് അർഹതയില്ലാത്തവരെ തിരിച്ചയക്കുന്നത് വേഗത്തിലാക്കാനാണ് ഈ നടപടി.

“കുടിയേറ്റക്കാരുടെ പുറപ്പെടലുകൾ തടയുന്നതിനും” “ഇത്തരം രാജ്യങ്ങളുടെ വരുമാനം മെച്ചപ്പെടുത്തുന്നതിനും”, ബംഗ്ലാദേശ്, പാകിസ്ഥാൻ, ഈജിപ്ത്, മൊറോക്കോ, ടുണീഷ്യ, നൈജീരിയ തുടങ്ങിയ രാജ്യങ്ങളുമായും കരാറുകൾ ഉണ്ടാക്കാൻ ബ്രസ്സൽസ് ആഗ്രഹിക്കുന്നു ഉർസുല വോൺ ഡെർ ലെയൻ വ്യക്തമാക്കി.

2022-ൽ രേഖപ്പെടുത്തിയ 330,000 “അനിയന്ത്രിതമായ എൻട്രികൾ” 2016 ന് ശേഷമുള്ള ഏറ്റവും ഉയർന്ന നിലയാണെന്ന് EU ബോർഡർ ഏജൻസിയായ ഫ്രോണ്ടക്സ് ചൂണ്ടിക്കാട്ടിയിരുന്നു..

ഐറിഷ് മലയാളി ന്യൂസില്‍ നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്‌സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക  https://chat.whatsapp.com/HjeNHMup1Z8Kb0G2aPv4Ni<