നോളെന്റ ‘ടെനെറ്റ്’ ഡിസംബര്‍ നാലിന് ഇന്ത്യയില്‍ റിലീസ് ചെയ്യും
ഹോളിവുഡ് സംവിധായകന്‍ ക്രിസ്റ്റഫര്‍ നോളെന്റ പുതിയ ചിത്രം ‘ടെനെറ്റ്’ ഡിസംബര്‍ നാലിന് ഇന്ത്യയില്‍ റിലീസിനൊരുങ്ങുന്നു.
നടി ഡിംപിള്‍ കപാഡിയയാണ് വിവരം വാര്‍ണര്‍ ബ്രോസ് ഇന്ത്യയുടെ ഔദ്യോഗിക ട്വിറ്റര്‍ പേജിലൂടെ പുറത്തുവിട്ടത്.
ജോണ്‍ ഡേവിഡ് വാഷിംഗ്ടണ്‍, റോബര്‍ട്ട് പാറ്റിന്‍സണ്‍ എന്നിവര്‍ക്കൊപ്പം ഡിംബിള്‍ കപാഡിയയും ചിത്രത്തില്‍ പ്രധാന വേഷത്തിലുണ്ട്.
ആക്ഷന്‍ സീക്വന്‍സുകളും ട്വിസ്റ്റുകളും നിറഞ്ഞതാണ് ‘ടെനെറ്റ്’ എന്ന് കപാഡിയ പറയുന്നു. ഇംഗ്ലീഷ്, ഹിന്ദി, തമിഴ്, തെലുങ്ക് എന്നീ ഭാഷകളിലായാണ് ചിത്രം ഇന്ത്യയില്‍ റിലീസ് ചെയ്യുക.
ഇന്ത്യയിലെ പലയിടത്തും അണ്‍ലോക്ക് അഞ്ചിന്റെ ഭാഗമായി തിയേറ്ററുകള്‍ തുറക്കാന്‍ സര്‍ക്കാര്‍ അനുമതി നല്‍കിയിരുന്നു. കണ്ടെയ്ന്‍മെന്റ് സോണുകള്‍ ഒഴികെയുള്ള പ്രദേശങ്ങളില്‍ 50 ശതമാനം കാഴ്ച്ചക്കാരോടെ പ്രദര്‍ശനം തുടങ്ങാനായിരുന്നു സര്‍ക്കാര്‍ തീരുമാനം. ഇതിന് പിന്നാലെയാണ് ‘ടെനറ്റ്’ റിലീസിന് ഒരുങ്ങുന്നത്.
ഐറിഷ് മലയാളി ന്യൂസ്
Comments are closed.