ബിബ്ലിയ ’23 – മാര്‍ത്തോമാ എവര്‍ റോളിങ്ങ് ട്രോഫി മൂന്നാം തവണയും സോര്‍ഡ്‌സ് കുര്‍ബാന സെന്ററിന്
ലൂക്കന്‍ കുര്‍ബാന സെന്റര്‍ രണ്ടാം സ്ഥാനം കരസ്ഥമാക്കി സെന്റ് പോള്‍ എവര്‍ റോളിങ്ങ് ട്രോഫിയും 350 യൂറോ കാഷ് അവാര്‍ഡും നേടിയെടുത്തു.
മൂന്നാം സ്ഥാനക്കാര്‍ക്കുള്ള സെന്റ് പാട്രിക് എവര്‍ റോളിങ്ങ് ട്രോഫിയും 250 യൂറോയുടെ കാഷ് അവാര്‍ഡും താലാ കുര്‍ബാന സെന്റര്‍ കരസ്ഥമാക്കി. ഒപ്പത്തിനൊപ്പം മത്സരിച്ച നാവന്‍ ടീം നാലാം സ്ഥാനം നേടി. സ്‌പൈസ് ബസാര്‍ ഏഷ്യന്‍ സൂപ്പര്‍ മാര്‍ക്കറ്റാണ് ക്യാഷ് പ്രൈസുകള്‍ സ്‌പോണ്‍സര്‍ ചെയ്തത്.
ഒന്നാം സ്ഥാനം നേടിയ സോര്‍ഡ്‌സ് കുര്‍ബാന സെന്ററിന്റെ ടീം അംഗങ്ങള്‍ – അഗസ്റ്റസ് ബനഡിറ്റ്, കെവിന്‍ ഡയസ്, ജോഹന്‍ ജോബി, ജെസ്‌ന ജോബി, സ്മിത ഷിന്റോ.
രണ്ടാം സ്ഥാനം നേടിയ ലൂക്കന്‍ കുര്‍ബാന സെന്ററിന്റെ ടീം അംഗങ്ങള്‍ – ഇവ എല്‍സ സുമോദ്, ജെറാള്‍ഡ് മാര്‍ട്ടിന്‍ മേനാച്ചേരി, അന്ന ജോബിന്‍, ലിയോ ജോര്‍ജ്ജ് ബിജു, നിസി മാര്‍ട്ടിന്‍.
മുന്നാം സ്ഥാനം നേടിയ താലാ കുര്‍ബാന സെന്ററിന്റെ ടീം – ആരവ് അനീഷ്, സമുവല്‍ സുരേഷ്, ഐറിന്‍ സോണി, അലീന റ്റോജോ, മരീന വില്‍സണ്‍
ഉച്ചകഴിഞ്ഞ് ഒരു മണിക്ക് വി. കുര്‍ബാനയോടെ ആരംഭിച്ച പരിപാടികള്‍ ഫാ. ജോസഫ് മാത്യു ഓലിയക്കാട്ടില്‍ ഉദ്ഘാടനം ചെയ്തു.
ആദ്യന്ത്യം ആവേശോജ്വലമായ ക്വിസ് മത്സരങ്ങള്‍ ക്വിസ് മാസ്റ്ററായ സീറോ മലബാര്‍ സഭയുടെ യൂറോപ്യന്‍ അപ്പസ്‌തോലിക് വിസിറ്റേഷന്‍ ജനറല്‍ കോര്‍ഡിനേറ്റര്‍ റവ. ഡോ. ക്ലെമന്റ് പാടത്തിപ്പറമ്പില്‍ നിയന്ത്രിച്ചു. ഓഡിയോ വിഷല്‍ റൗണ്ടുകള്‍ ഉള്‍പ്പെടെ ഒന്‍പത് റൗണ്ടുകളായാണു മത്സരങ്ങള്‍ നടന്നത്.
കാറ്റിക്കിസം ഡയറക്ടര്‍ ഫാ. റോയ് വട്ടക്കാട്ട്, ഫാ. സെബാന്‍ സെബാസ്റ്റ്യന്‍ വെള്ളാമത്തറ കാറ്റിക്കിസം കോര്‍ഡിനേറ്റര്‍ ശ്രീ. ജോസ് ചാക്കോ, സോണല്‍ സെക്രട്ടറി ബിനുജിത്ത് സെബാസ്റ്റ്യന്‍, സോണല്‍ ട്രസ്റ്റി ബിനോയ് ജോസ്, ജോബി ജോണ്‍ എന്നിവര്‍ നേതൃത്വം നല്‍കി. പങ്കെടുത്ത ടീമുകള്‍ക്ക് പിന്തുണയും പ്രോത്സാഹനവുമായി അയര്‍ലണ്ടിന്റെ വിവിധ ഭാഗങ്ങളില്‍ നിന്ന് ഒട്ടേറെ ആളുകള്‍ പരിപാടിയില്‍ പങ്കെടുത്തു. ഗ്ലാസ്‌നേവില്‍ വികാരി ഫാ. ഫ്രാങ്ക് റിബൈണ്‍ സമ്മാനങ്ങള്‍ വിതരണം ചെയ്തു.
ബൈബിളിനേക്കുറിച്ചും സഭയിലെ വിശുദ്ധരേക്കുറിച്ചും കൂടുതല്‍ അറിവുനേടാന്‍ വിശ്വാസസമൂഹത്തെ പ്രാപ് തരാക്കുക എന്ന ലക്ഷ്യത്തോടെ ഡബ്ലിന്‍ സീറോ മലബാര്‍ സഭയുടെ മതബോധന വിഭാഗം വര്‍ഷങ്ങളായി സംഘടിപ്പിച്ചുവരുന്ന ബൈബിള്‍ ക്വിസ് മത്സരങ്ങളില്‍ ഈ വര്‍ഷം പതിനൊന്ന് കുര്‍ബാന സെന്ററുകളില്‍ നിന്നായി 600 ല്‍ ഏറെ വിശ്വാസികള്‍ പങ്കെടുത്തു. ഡബ്ലിന്‍ സോണല്‍ തലത്തില്‍ വിജയികള്‍ ആയവര്‍.
സബ്. ജൂനിയേഴ്‌സ് : ഫസ്റ്റ് – ഇവ എല്‍സ സുമോദ് (ലൂക്കന്‍), സെക്കന്റ് – ഏബല്‍ നീലേഷ് (ബ്ലാക്ക്‌റോക്ക്) തേര്‍ഡ് – എലിസബത്ത് കുര്യന്‍ ( ബ്ലാഞ്ചാര്‍ഡ്‌സ് ടൗണ്‍), എബിഗയില്‍ മേരി ജോയ് (മിഡ് – ലെന്‍സര്‍)
ജൂനിയേഴ്‌സ് : ഫസ്റ്റ് – ജോയല്‍ വര്‍ഗ്ഗീസ് (ബ്രേ), സെക്കന്റ് – സുമോദ് സുരേഷ് (താലാ), തേര്‍ഡ് – അനയ ഗ്രേറ്റ മാത്യു (താലാ), ജെറാള്‍ഡ് മാര്‍ട്ടിന്‍ മേനാച്ചേരി (ലൂക്കന്‍)
സീനിയേഴ്‌സ് : ഫസ്റ്റ് – ജീവല്‍ ഷൈജോ (ബ്ലാഞ്ചാര്‍ഡ്‌സ് ടൗണ്‍), സെക്കന്റ് – ഐറിന്‍ സോണി (താലാ), അന്നാ ജോബിന്‍ (ലൂക്കന്‍) തേര്‍ഡ് – ജോയല്‍ എമ്മാനുവേല്‍ (ലൂക്കന്‍), അനിക ത്രേസ്യ മാത്യു (താലാ)
സൂപ്പര്‍ സീനിയേഴ്‌സ് : അലീന റ്റോജോ (താലാ), സെക്കന്റ് – ആര്‍ലിന്‍ സന്തോഷ് (ബ്ലാക്ക്‌റോക്ക്), തേര്‍ഡ് – അലെന്‍ സോണി (താലാ)
ജനറല്‍ : ഫസ്റ്റ് – മെരീന വില്‍സണ്‍ (താലാ), സെക്കന്റ് – ബീന ജെയ്‌മോന്‍ (താലാ), തേര്‍ഡ് – സ്മിതാ ഷിന്റൊ ( സോര്‍ഡ്‌സ്), നിസി മാര്‍ട്ടിന്‍ (ലൂക്കന്‍), നിഷ ജോസഫ് (ഫിബ്‌സ്ബറോ)
എല്ലാ അംഗങ്ങളും പങ്കെടുത്ത കുടുംബങ്ങള്‍ക്കുള്ള സമ്മാനം കരസ്ഥമാക്കിയവര്‍ – ഷിന്റോ പോള്‍ ആന്റ് ഫാമിലി (സോര്‍ഡ്‌സ്), മാര്‍ട്ടിന്‍ മേനാച്ചേരി ആന്റ് ഫാമിലി (ലൂക്കന്‍), തോമസ് ആന്റണി ആന്റ് ഫാമിലി (ബ്ലാഞ്ചാര്‍ഡ്‌സ് ടൗണ്‍), സുധീഷ് ജോസഫ് ആന്റ് ഫാമിലി (നാവന്‍).
ഡബ്ലിനു പുറത്ത് നിന്ന് വന്ന് പങ്കെടുത്ത എറിക്ക് ആന്റോ (വെക്‌സ്‌ഫോര്‍ഡ്) പ്രത്യേക പുരസ്‌കാരത്തിനര്‍ഹനായി.
ഐറിഷ് മലയാളി ന്യൂസില്‍ നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്‌സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക https://chat.
Comments are closed.