ആമസോണ്‍ പത്തി വിരിച്ചിറങ്ങി,ആര്‍ഗോസ് അടച്ചു പൂട്ടുന്നു
ഡബ്ലിന്‍ : അയര്‍ലണ്ടിലെ പ്രമുഖ വ്യാപാര സ്ഥാപനമായ ആര്‍ഗോസ് അടച്ചു പൂട്ടുന്നു. ആമസോണ്‍ അടക്കമുള്ള ഓണ്‍ലൈന്‍ അന്താരാഷ്ട്ര കമ്പനികളുടെ കടന്നുകയറ്റം ഉണ്ടാക്കിയ വ്യാപാരതകര്‍ച്ചയാണ് ഐറിഷ് ജനസമൂഹം വര്‍ഷങ്ങളായി ആശ്രയിച്ചിരുന്ന ആര്‍ഗോസിനെ അടച്ചു പൂട്ടാന്‍ ഉടമകളെ പ്രേരിപ്പിച്ചത്.
തങ്ങളുടെ ബിസിനസിന്റെ ഐറിഷ് ഭാഗം വികസിപ്പിക്കുന്നതിനും നവീകരിക്കുന്നതിനും ആവശ്യമായ നിക്ഷേപം പ്രായോഗികമല്ലെന്നും ഈ പണം തങ്ങളുടെ ബിസിനസിന്റെ മേഖലകളില്‍ മികച്ച രീതിയില്‍ നിക്ഷേപിക്കുമെന്നും ആര്‍ഗോസ് കമ്പനി പ്രസ്താവനയില്‍ വ്യക്തമാക്കി.
തീരുമാനത്തിന്റെ ഫലമായി അയര്‍ലണ്ടിലുടനീളംമായി 34 സ്റ്റോറുകള്‍ അടച്ചുപൂട്ടുമെന്ന് ആര്‍ഗോസ് പറഞ്ഞു.
580 പേര്‍ക്ക് ജോലി നഷ്ടപ്പെടുന്ന സാഹചര്യമാണ് അടച്ചുപൂട്ടല്‍ വഴി ഉണ്ടാകുന്നത്. ഈ വര്‍ഷം ജൂണ്‍ അവസാനത്തോടെ റിപ്പബ്ലിക് ഓഫ് അയര്‍ലന്‍ഡിലെ എല്ലാ സ്റ്റോറുകളും പ്രവര്‍ത്തനങ്ങളും അടച്ചുപൂട്ടാനാണ് കമ്പനിയുടെ തീരുമാനം. ജോലി നഷ്ടപ്പെടുന്ന ജീവനക്കാര്‍ക്ക് ഒരു മെച്ചപ്പെട്ട റിഡന്‍ഡന്‍സി പാക്കേജ് നിര്‍ദ്ദേശിക്കും,’ കമ്പനി പറഞ്ഞു.”ഐറിഷ് നിയമപ്രകാരം പിരിച്ചുവിടലിന് അര്‍ഹതയില്ലാത്ത ചെറിയ സഹപ്രവര്‍ത്തകര്‍ക്ക് ഒറ്റത്തവണ ഗുഡ്വില്‍ പേയ്മെന്റ് ലഭിക്കുമെന്ന് പ്രതീക്ഷിക്കുന്നു,” അത് കൂട്ടിച്ചേര്‍ത്തു.
വളരെ നാളത്തെ ശ്രദ്ധാപൂര്‍വമായ ആലോചനയ്ക്കും രാജ്യത്തെ മറ്റു ബിസിനസ്സുകളുടെയും പ്രവര്‍ത്തനങ്ങളുടെയും സമഗ്രമായ അവലോകനത്തിനും ശേഷമാണ് തീരുമാനത്തില്‍ എത്തിയതെന്ന് കമ്പനി അറിയിച്ചു.
ഐറിഷ് മലയാളി ന്യൂസില്‍ നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്‌സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക https://chat.
Comments are closed.