ഡബ്ലിന്‍ കില്‍ബോഗട്ട് പാര്‍ക്കില്‍ സെപ്റ്റംബർ 17ന് ഇന്ത്യാ ഫെസ്റ്റ്
ബാലിബ്രാക്ക് ടെസ്‌കോയ്ക്ക് സമീപം എന്‍ 11ലെ കില്‍ബോഗട്ട് പാര്‍ക്കിലാണ് ഇന്ത്യാ ഫെസ്റ്റ് അണിയിച്ചൊരുക്കുന്നത്. ശനിയാഴ്ച ഉച്ചയ്ക്ക് 12 മുതല്‍ വൈകീട്ട് ഏഴുവരെയാണ് ആഘോഷ പരിപാടികള്‍ നടക്കുക.ഇന്ത്യയുടെ പരമ്പരാഗത സാംസ്‌കാരിക വിഭവങ്ങള്‍ മതി വരുവോളം സൗജന്യമായി ആസ്വദിക്കാനുള്ള അവസരമാണ് ഇന്ത്യാ ഫെസ്റ്റിലൂടെ ഒരുങ്ങുന്നത്.
ഇന്ത്യന്‍ സംഘടനയായ സോഷ്യല്‍ സ്പേസ് അയര്‍ലണ്ട് ,ഡണ്‍ലേരി കൗണ്ടി കൗണ്‍സിലിന്റെയും,ഡണ്‍ലേരി ഇന്റഗ്രേഷന്‍ ഫോറം ,ഗാര്‍ഡ , സ്‌പോര്‍ട്‌സ് പാര്‍ട്ണര്‍ഷിപ്പ്,സൗത്ത് സൈഡ് പാര്‍ട്ണര്‍ഷിപ്പ് എന്നിവയുടെ പങ്കാളിത്വത്തോടെയാണ് ഇന്ത്യാ ഫെസ്റ്റ് സംഘടിപ്പിച്ചിരിക്കുന്നത്.
വര്‍ഷങ്ങളായി അയര്‍ലണ്ടില്‍ ജീവിയ്ക്കുന്ന ഇന്ത്യക്കാരുടെ ഭാരതോല്‍സവമായാണ് ഇന്ത്യാ ഫെസ്റ്റിനെ വിവക്ഷിക്കുന്നത്. രാജ്യത്തെമ്പാടുമുള്ള വിവിധ പ്രാദേശിക ഇന്ത്യന്‍ കമ്മ്യൂണിറ്റികള്‍ ഒന്നിച്ചാണ് ഈ മഹോല്‍സവത്തിന് ആതിഥേയത്വമേകുന്നത്.ഉദ്ഘാടന പരിപാടിയില്‍ കൗണ്‍സിലര്‍ മേരി ഹനാഫിന്‍, ( ഡണ്‍ലേരി കൗണ്ടി കൗണ്‍സില്‍ മേയര്‍ ),മന്ത്രി ഓസിന്‍ സ്മിത്ത്, ഇന്ത്യന്‍ അംബാസഡര്‍ അഖിലേഷ് മിശ്ര, ഗാര്‍ഡ ചീഫ് സൂപ്രണ്ട് മാത്യു നൈലാന്‍ഡ്,ടി ഡിമാര്‍, സെനറ്റര്‍മാര്‍,കമ്മ്യൂണിറ്റി നേതാക്കള്‍ തുടങ്ങിയവര്‍ സംബന്ധിക്കും.ഇന്ത്യയുടെ വിവിധ സംസ്ഥാനങ്ങളില്‍ നിന്നുള്ള തനത് കലാരൂപങ്ങളും ഫെസ്റ്റില്‍ അവതരിപ്പിക്കും.
പഞ്ചാബി ഭാംഗ്ര,ശിങ്കാരിമേളം ,ഗുജറാത്തി ഗര്‍ബ,മറാത്തി നാടോടി നൃത്തം,കഥക് ബംഗാള്‍ ഐറിഷ് ഫ്യൂഷന്‍,ഒഡീസി നൃത്തം,ബോളിവുഡ് നൃത്തങ്ങള്‍,കേരളനടനം എന്നിവയൊക്കെ ഫെസ്റ്റിന്റെ ഹൈലൈറ്റ്സുകളാണ്.
12 മണി മുതല്‍ 2 മണി വരെ കുട്ടികള്‍ക്കുള്ള ക്രിക്കറ്റ്, അമ്പെയ്ത്ത് & ഹൈജമ്പ് തുടങ്ങിയ സെഷനുകളുമുണ്ടാകും.ഉച്ചയ്ക്ക് 12.30 മുതല്‍ 1.30 വരെ യോഗയുടെ സെഷനുകളാണ്.
ഇന്ത്യന്‍ ജ്വല്ലറി സ്റ്റാളുകളും മൈലാഞ്ചി (മെഹന്ദി) സ്റ്റാളുകളും സന്ദര്‍ശിക്കാനും അവസരമുണ്ടാകും.കൂടാതെ വിപുലവും വിശാലവുമായ ഇന്ത്യന്‍ രുചികള്‍ നിറഞ്ഞ ഫുഡ് സ്റ്റാളുകളും ഫെസ്റ്റിലുണ്ടാകും.ഇതിനെല്ലാം അകമ്പടിയായി കാര്‍മിക് ബാന്‍ഡില്‍ നിന്നുള്ള ലൈവ് സംഗീതത്തോടൊപ്പം റോക്ക് ആന്‍ഡ് റോളും മേളയ്ക്ക് കൊഴുപ്പേകും.
കൂടുതല്‍ വിവരങ്ങള്‍ക്ക്: https://indiafest.ie/
https://india_fest_2022.eventbrite.ie
എയര്‍ കോഡ് :A96 F959
ഇന്ത്യാ ഫെസ്റ്റ് വേദിയുടെ സമീപത്ത് കൂടി സര്‍വീസ് നടത്തുന്ന ബസ് റൂട്ടുകള്‍:
ബസ് 7എ(സ്റ്റോപ്പ് 3226/3216)മൗണ്ട് ജോയി സ്‌ക്വയര്‍,ഡബ്ലിന്‍ സിറ്റി സെന്റര്‍-
ബസ് 45എ/45ബി (സ്റ്റോപ്പ് 3226/3216) ബ്രേ – ഷാങ്കില്‍ – ഡണ്‍ലേരി
ബസ് 111 (സ്റ്റോപ്പ് 3226/3216) ഡാല്‍ക്കി- ഡണ്‍ലേരി
ബസ് 145, 155,84/എ, (എന്‍11 സ്റ്റോപ്പ് 3131/3147) ബ്രേ – ഡബ്ലിന്‍ സിറ്റി സെന്റര്‍.
ഐറിഷ് മലയാളി ന്യൂസ്
ഐറിഷ് മലയാളി ന്യൂസില്‍ നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക https://chat.
Comments are closed.