വില കുതിക്കുന്നതിനൊപ്പം രാജ്യത്ത് ഇന്ധന മോഷ്ടാക്കളും വര്‍ധിക്കുന്നു
ഡബ്ലിന്‍ : വില വര്‍ധിക്കുന്നതിനനുസരിച്ച് അയര്‍ലണ്ടില്‍ ഇന്ധന മോഷണ സംഭവങ്ങളും പെരുകുന്നു. രാജ്യത്ത് ഇന്ധന മോഷണം വര്‍ധിക്കുന്ന സാഹചര്യത്തില്‍ എല്ലാവരും കൂടുതല്‍ ജാഗ്രത പാലിക്കണമെന്ന് ഗാര്‍ഡ അഭ്യര്‍ഥിച്ചു.
ഈ വര്‍ഷം ആദ്യം പോര്‍ട്ട് ലീഷ്, ഒഫാലി, ഗോള്‍വേ, ലിമെറിക്, കില്‍ക്കെന്നി, വെക്സ്ഫോര്‍ഡ്, കാര്‍ലോ എന്നിവിടങ്ങളില്‍ ഹോം ഫ്യുവല്‍ മോഷണം പോയ സംഭവങ്ങള്‍ റിപ്പോര്‍ട്ട് ചെയ്തിരുന്നു. കഴിഞ്ഞ മാസം ലിമെറിക്കില്‍ പാര്‍ക്ക് ചെയ്തിരുന്ന ലോറികളില്‍ നിന്ന് 500 യൂറോ വിലമതിക്കുന്ന ഡീസലാണ് കവര്‍ന്നത്.
വില ഉയര്‍ന്നതോടെ ഇന്ധനത്തില്‍ മോഷ്ടാക്കള്‍ ശ്രദ്ധകേന്ദ്രീകരിച്ചിരിക്കുകയാണെന്ന് ഇന്‍ഡിപെന്‍ഡന്റ് ടിഡിയും ഐറിഷ് റോഡ് ഹാലേജ് അസോസിയേഷന്‍ മുന്‍ പ്രസിഡന്റുമായ വെറോണ മര്‍ഫി പറഞ്ഞു.
അയര്‍ലണ്ടില്‍ ജൂലൈയില്‍ പെട്രോളിന് ലിറ്ററിന് 200 സെന്റും ഡീസല്‍ 201 സെന്റുമായാണ് ശരാശരി വില ഉയര്‍ന്നത്.
ഐറിഷ് മലയാളി ന്യൂസ്
ഐറിഷ് മലയാളി ന്യൂസില്‍ നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്‌സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക: https://chat.whatsapp.com/I4RThsP3QByGf4MgKvY4Gn
Comments are closed.