ട്രാന്‍സ്‌ജെന്‍ഡര്‍ സമൂഹത്തിന്റെ കഥയുമായി ‘അവനോവിലോന’
സന്തോഷ് കീഴാറ്റൂര്‍, ആത്മീയ രാജന്‍ എന്നിവരെ പ്രധാന കഥാപാത്രങ്ങളാക്കി ദേശീയ പുരസ്‌കാര ജേതാക്കളായ ഷെറി, ടി. ദീപേഷ് എന്നിവര്‍ ചേര്‍ന്നു സംവിധാനം ചെയ്യുന്ന ‘അവനോവിലോന’ ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്ത്. നടന്‍ മോഹന്‍ലാല്‍ തന്റെ ഫേസ്ബുക്ക് പേജിലൂടെയാണ് പോസ്റ്റര്‍ പുറത്തിറക്കിയത്.
ട്രാന്‍സ്‌ജെന്‍ഡര്‍ സമൂഹത്തിന്റെ ജീവിത പശ്ചാത്തലം പറയുന്ന ഈ ചിത്രത്തില്‍ എഡ്ഡി എന്ന ട്രാന്‍സ്‌ജെന്‍ഡര്‍ കഥാപാത്രത്തെയാണ് സന്തോഷ് കീഴാറ്റൂര്‍ അവതരിപ്പിക്കുന്നത്. ട്രാന്‍സ്‌ജെന്‍ഡന്മാരുടെ കുലദേവതയാണ് ഗ്രീക്ക് ദേവതയായ ‘അവനോവിലോന’. ആദിമധ്യാന്തം’ എന്ന ചിത്രത്തിലൂടെ ദേശീയ അവാര്‍ഡ് നേടിയ ഷെറിയും ‘ടൈപ്പ് റെറ്റര്‍’ എന്ന ചിത്രത്തിലൂടെ ദേശീയ അവാര്‍ഡ് നേടിയ ടി. ദീപേഷും ഒന്നിക്കുന്ന സിനിമയാണിത്.
കെ.സി. കൃഷ്ണന്‍, റിയാസ്, കെ.എം.ആര്‍, കോക്കാട് നാരായണന്‍, മിനി രാധന്‍, ഒ. മോഹനന്‍, എ.വി. സരസ്വതി തുടങ്ങിയവര്‍ക്കൊപ്പം കണ്ണൂരിലെ ഇരുപതോളം ട്രാന്‍സ്‌ജെന്‍ഡേഴ്‌സും ഈ ചിത്രത്തില്‍ അഭിനയിക്കുന്നു. സന്തോഷ് കീഴാറ്റൂര്‍ പ്രൊഡക്ഷന്‍സ്,നിവ് പ്രൊഡക്ഷന്‍സ് എന്നിവയുടെ ബാനറില്‍ സന്തോഷ് കീഴാറ്റൂര്‍, ശ്രീമ അനില്‍ എന്നിവര്‍ ചേര്‍ന്നു നിര്‍മ്മിക്കുന്ന ഈ ചിത്രത്തിന്റെ ഛായാഗ്രഹണം ജലീല്‍ ബാദുഷ ആണ്.
തിരക്കഥ, സംഭാഷണം ഷെറി, പ്രൊജക്ട് ഡിസൈനര്‍ ഡിക്‌സണ്‍ പൊടുത്താസ്, എഡിറ്റര്‍ അഖിലേഷ് മോഹന്‍, പശ്ചാത്തല സംഗീതംഗോപീ സുന്ദര്‍, കല സുനീഷ് വടക്കുമ്പാടന്‍, മേക്കപ്പ് മണികണ്ഠന്‍ ചുങ്കത്തറ, വസ്ത്രാലങ്കാരം റിയ ഇഷ, സ്റ്റില്‍സ് ലിജിന്‍ രവി.
ഐറിഷ് മലയാളി ന്യൂസ്
Comments are closed.