ദൃശ്യം 2 തിയേറ്ററിലേക്കില്ല; റിലീസ് ആമസോണ്‍ പ്രൈമില്‍; ടീസര്‍ പുറത്ത്
സിനിമാ പ്രേമികള്‍ കാത്തിരിക്കുന്ന ജിത്തുജോസഫിന്റെ സംവിധാനത്തില്‍ മോഹന്‍ലാല്‍ പ്രധാനകഥാപാത്രത്തെ അവതരിപ്പിക്കുന്ന ദൃശ്യം 2 തിയേറ്റര്‍ റിലീസിനില്ല. മറിച്ച് ഒ.ടി.ടി റിലീസായാണ് ചിത്രമെത്തുക. സിനിമയുടെ ടീസര്‍ പുറത്തിറങ്ങി. ആമസോണ്‍ പ്രൈം വീഡിയോയാണ് ടീസര്‍ പുറത്തിറക്കിയിരിക്കുന്നത്.
ജനുവരി അവസാനത്തോടെ ആമസോണ്‍ പ്രൈം വീഡിയോയുടെ ലോക പ്രീമിയറില്‍ ദൃശ്യം റിലീസ് ചെയ്യും.
ഏറെ പ്രതീക്ഷയോടെ കാത്തിരുന്ന റിലീസിന് മുന്നോടിയായി ആരാധകരില്‍ ആവേശം സൃഷ്ടിക്കാന്‍ മോഹന്‍ലാലിനൊപ്പം ചേര്‍ന്നാണ് ആമസോണ്‍ പ്രൈം ടീസര്‍ പുറത്തിറക്കിയത്. ചിത്രം,ലോകത്തെ 240 രാജ്യങ്ങളിലെ ഉപഭോക്താക്കളിലേക്ക് നേരിട്ടെത്തും.
ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് ദൃശ്യം 2 നിര്‍മ്മിച്ചിരിക്കുന്നത്. മീന, സിദ്ദിഖ്, ആശ ശരത്, മുരളിഗോപി, അന്‍സിബ ഹസ്സന്‍, എസ്തര്‍ അനില്‍, സായികുമാര്‍, കെ.ബി ഗണേഷ് കുമാര്‍,ജോയ് മാത്യു, അനീഷ് ജി നായര്‍, അഞ്ജലി നായര്‍ എന്നിവരാണ് ചിത്രത്തിലെ മറ്റു താരങ്ങള്‍.
ഐറിഷ് മലയാളി ന്യൂസ്
Comments are closed.