താലയില്‍ ഇന്ത്യക്കാരനെ ആക്രമിച്ച സംഭവം : രണ്ട് പേര്‍ അറസ്റ്റില്‍
ഡബ്ലിന്‍ : കഴിഞ്ഞ ജൂലൈയില്‍ താലയില്‍ ഇന്ത്യക്കാരനെ വംശീയമായി ആക്രമിച്ച കേസില്‍ രണ്ട് പേരെ ഗാര്‍ഡ അറസ്റ്റ് ചെയ്തു. ഒരു 30 വയസ്സുകാരനെയും കൗമാരക്കാരനെയുമാണ് അറസ്റ്റ് ചെയ്തത്.ഇവര്‍ കസ്റ്റഡിയിലാണ്.
ജൂലൈ 19ന് ഡബ്ലിന്‍ 24ലെ കില്‍നാമനാഗിലെ പാര്‍ക്ക്ഹില്‍ ലോണ്‍സില്‍ 40കാരനെ ആക്രമിച്ച സംഭവത്തിലാണ് ഇവരെ സൗത്ത് ഡബ്ലിന്‍ ഗാര്‍ഡ പിടികൂടിയത്.വിവസ്ത്രനാക്കിയായിരുന്നു ക്രൂരമായി ആക്രമിച്ചത്. സംഭവം ഏറെ ചര്‍ച്ചയും വിവാദവുമായിരുന്നു.
ക്രൂരമായ ഈ ആക്രമണത്തില്‍ പ്രതിഷേധിച്ച് ജൂലൈയില്‍ ഡബ്ലിനിലെ സിറ്റി ഹാളില്‍ നിന്ന് ഡെയ്‌ലിലേക്ക് ജനക്കൂട്ടം മാര്‍ച്ച് നടത്തിയിരുന്നു. വിവിധ രാഷ്ട്രീയ പാര്‍ട്ടി നേതാക്കളും ആക്രമണത്തെ അപലപിച്ച് രംഗത്ത് വന്നിരുന്നു.വിവിധ കുടിയേറ്റ ഗ്രൂപ്പുകളും പ്രതിഷേധം സംഘടിപ്പിച്ചിരുന്നു.
മാസങ്ങള്‍ക്ക് ശേഷമുള്ള അന്വേഷണങ്ങള്‍ക്ക് ശേഷമാണ് ഗാര്‍ഡയ്ക്ക് കുറ്റവാളികളെ കണ്ടെത്താനായത്. സംഭവത്തെ കുറിച്ചുള്ള വീഡിയോ സോഷ്യല്‍ മീഡിയയില്‍ പോസ്റ്റ് ചെയ്തിരുന്ന ഐറിഷ് യുവതി പറഞ്ഞതനുസരിച്ച് പത്തോളം പേര്‍ സംഘം ചേര്‍ന്നാണ് ഇന്ത്യന്‍ യുവാവിനെ ആക്രമിച്ചത്.
ഐറിഷ് മലയാളി ന്യൂസ്
ഐറിഷ് മലയാളി ന്യൂസില്‍ നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്‌സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക https://chat.whatsapp.