മോസ്‌കിനെന്തിന് പ്ലാനിംഗ് പെര്‍മിഷന്‍ ? എല്ലാം ദൈവത്തിന് വേണ്ടിയല്ലേ ?
ഡബ്ലിന്‍ : ഡബ്ലിനില്‍ അനധികൃതമായി പ്രവര്‍ത്തിപ്പിക്കുന്ന മുസ്‌ളീം മോസ്‌കുകളും ,സെന്ററുകളും തീവ്രവാദ പ്രചാരണകേന്ദ്രങ്ങളാകുന്നുവെന്ന് ആരോപണം. ക്‌ളോണ്ടാള്‍ക്കിന്‍ ,ലൂക്കന്‍ ലൈഫിവാലി,ന്യൂ കാസില്‍,നൈല്‍സ് ടൗണ്‍ എന്നി മേഖലകള്‍ അടങ്ങുന്ന ഡബ്ലിന്‍ 22 ഏരിയയില്‍ മാത്രം യാതൊരു അനുവാദമില്ലാതെ 9 സ്ഥലങ്ങളെങ്കിലും മസ്ജിദുകളും ഇസ്ലാമിക കേന്ദ്രങ്ങളും പ്രവര്‍ത്തിക്കുന്നുണ്ടെന്ന ആരോപണവുമായി സൗത്ത് ഡബ്ലിന്‍ കൗണ്ടി കൗണ്‍സിലറായ ലിന്‍ഡ ഡി കോര്‍സി രംഗത്തെത്തി.. സൗത്ത് ഡബ്ലിന്‍ കൗണ്ടി കൗണ്‍സില്‍ മേഖലയില്‍ പ്രവര്‍ത്തിക്കുന്ന പള്ളികള്‍ക്ക് യാതൊരു അംഗീകാരമോ,പ്ലാനിംഗ് പെര്‍മിഷനുകളോ ലഭിക്കാത്ത സാഹചര്യത്തില്‍ സ്ഥിതിഗതികള്‍ അന്വേഷിക്കുകയാണെന്ന് അവര്‍ വ്യക്തമാക്കി.
ലോക്കല്‍ ഭരണകൂടങ്ങളുടെ നിശ്ശബ്ദത മുതലെടുത്തുകൊണ്ട് ഡബ്ലിന്‍ മേഖലകളിലെങ്ങും അനധികൃത മോസ്‌കുകള്‍ പെരുകുകയാണ്.അഭയാര്‍ഥികളെന്ന വ്യാജേനെ അയര്‍ലണ്ടില്‍ കടന്നു വന്നു ഭീകരപ്രവര്‍ത്തനവും, ബിസിനസ് ഇടപാടുകളും നടത്തുന്നവരിലധികവും പാലസ്തീന്‍, ഹമാസ് ,ഹിസ്ബുള്ള അടക്കമുള്ള തീവ്രവാദി ഗ്രൂപ്പുകളുമായി അടുത്ത ബന്ധമുള്ളവരാണ്.
ഡബ്ലിന്‍ പുതിയ ലണ്ടനിസ്ഥാനായി മാറുകയാണെന്നാണ് ഫാര്‍ റൈറ്റുകാര്‍ ആരോപണം ഉയര്‍ത്തുന്നത്. ഈ രാജ്യത്തെ ചില മതസമൂഹങ്ങള്‍ക്ക് പ്ലാനിംഗ് നിയമങ്ങളില്‍ പോലും ഇളവ് നല്‍കി ഐറിഷ് പൗരന്മാരെ രണ്ടാംതരം പൗരന്മാരാക്കുകയാണെന്നാണ് ഫാര്‍ റൈറ്റുകാര്‍ പറയുന്നത്. അഭയാര്‍ത്ഥികള്‍ക്ക് സര്‍ക്കാര്‍ ചിലവില്‍ താമസ സൗകര്യമൊരുക്കിയ വാസസ്ഥലങ്ങള്‍ പോലും പള്ളികളായി ഉപയോഗിക്കുന്നു.
ലോക്കല്‍ കൗണ്‍സിലിനും അനധികൃത ‘പള്ളി’യ്ക്കും ഇടയില്‍ തര്‍ക്കങ്ങള്‍ ഉണ്ടായാലും പല കേസുകളിലും പ്രശ്നം വര്‍ഷങ്ങളോളം നീണ്ടുപോവുകയും ഒടുവില്‍ കൗണ്‍സില്‍ അവര്‍ക്ക് സ്വന്തമായി പള്ളി പണിയുന്നതിന് അനുയോജ്യമായ കെട്ടിടമോ അനുയോജ്യമായ സ്ഥലമോ ദാനം ചെയ്തുകൊണ്ട് ശാന്തമായി പരിഹരിക്കപ്പെടുകയും ചെയ്യുന്ന ഒരു തന്ത്രമാണ് യൂറോപ്പില്‍ ഉടനീളമുള്ള പദ്ധതിയുടെ ഭാഗമായി നടപ്പാക്കപ്പെടുന്നത്.
മുസ്‌ളീം ബ്രദര്‍ഹുഡിന്റെ ശക്തമായ ഇടപെടലാണ് ഇത്തരം പ്രവര്‍ത്തനങ്ങള്‍ക്ക് അയര്‍ലണ്ടില്‍ പിന്തുണ നല്‍കുന്നതെന്ന ചില പഠനങ്ങള്‍ പുറത്തുവന്നിട്ടുണ്ട്.
ശരിയത്ത് അധിഷ്ഠിതമായ ഒരു ഇസ്ലാമിക രാഷ്ട്രം കെട്ടിപ്പടുക്കുകയാണ് മുസ്ലീം ബ്രദര്‍ഹുഡിന്റെ ആത്യന്തിക ലക്ഷ്യമെന്ന് റിപ്പോര്‍ട്ട് ചൂണ്ടിക്കാട്ടുന്നു. അത് ലിബറല്‍ ജനാധിപത്യത്തെയോ പാശ്ചാത്യ മൂല്യങ്ങളെയോ പിന്തുണയ്ക്കുന്നവരല്ല. മുസ്ലിം ബ്രദര്‍ഹുഡ് എന്നത് ഒരു കേന്ദ്രീകൃത സംഘടനയല്ല, പ്രത്യയശാസ്ത്രപരമായ പാറ്റേണുകള്‍, സന്നദ്ധ സംഘടനകള്‍, വ്യക്തിഗത ബന്ധങ്ങള്‍ എന്നിവയാല്‍ പരസ്പരം ബന്ധിപ്പിച്ചിട്ടുള്ള വ്യത്യസ്ത ശാഖകളുടെ ഒരു നെറ്റ് വര്‍ക്കാണ്.. അവരുടെ പ്രത്യയശാസ്ത്രമെന്നത് ഒരേ ലക്ഷ്യത്തോടെയുള്ളതും , ദേശീയ സുരക്ഷയെയും സാമൂഹിക ഐക്യത്തെയും ദുര്‍ബലപ്പെടുത്തുന്നതുമാണ്.സെക്കുലര്‍ സംവിധാനങ്ങളിലേ സൗഹാര്‍ദങ്ങളെ മുതലെടുത്തുകൊണ്ടു രംഗപ്രവേശം ചെയ്ത ശേഷം ആളും അര്‍ഥവും സ്വന്തമാക്കുന്ന ,കൃത്യമായ ആസൂത്രണത്തോടെയുള്ള ശിഥിലീകരണപ്രവര്‍ത്തനങ്ങളാണ് യൂറോപ്പില്‍ ഒളിച്ചു താമസിച്ച് പ്രവര്‍ത്തിക്കുന്ന മിക്ക ഇസ്‌ളാമിക് തീവ്രവാദി ഗ്രൂപ്പുകളും ചെയ്തുകൊണ്ടിരിക്കുന്നത്.
ഐറിഷ് മലയാളി ന്യൂസില്‍ നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്‌സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക https://chat.whatsapp.com/
Comments are closed.