head3
head1

ഐടി സ്വപ്നങ്ങളുണ്ടോ….അയർലണ്ടിലെ    മൈക്രോസോഫ്റ്റ് വിളിക്കുന്നു

ഡബ്ലിന്‍ :ഐടി സ്വപ്നവുമായി നടക്കുന്ന ഉദ്യോഗാര്‍ഥികളെ ലക്ഷ്യമിട്ട് മൈക്രോസോഫ്റ്റ് റിക്രൂട്ട്മെന്റ് ഡ്രൈവ് നടത്തുന്നു.200 ഡിജിറ്റല്‍ സെയില്‍സ് ജോലികള്‍ക്ക് അനുയോജ്യരെ കണ്ടെത്തുന്നതിനുള്ള റിക്രൂട്ട്മെന്റ് മൂന്ന് മാസത്തിനുള്ളിലുണ്ടാകുമെന്ന് സോഫ്റ്റ് വെയര്‍ ഭീമന്‍ അറിയിച്ചു.മൈക്രോസോഫ്റ്റ് അയര്‍ലണ്ട് മെയ് മാസത്തിനുള്ളില്‍ 200 പുതിയ ജീവനക്കാരെ ഉള്‍പ്പെടുത്തി ഡിജിറ്റല്‍ സെയില്‍സ് വര്‍ക്ക്ഫോഴ്‌സ് വികസിപ്പിക്കുകയാണെന്ന് കമ്പനി അറിയിച്ചു.

മൂന്ന് മാസത്തിനുള്ളില്‍ മൈക്രോസോഫ്റ്റില്‍ നിന്നുള്ള രണ്ടാമത്തെ പ്രധാന തൊഴില്‍ വികസന പ്രഖ്യാപനമാണിത്. നവംബറില്‍ ഡബ്ലിന്‍ എഞ്ചിനീയറിംഗ് ഹബില്‍ 27 മില്യണ്‍ യൂറോയുടെ നിക്ഷേപം നടത്തിയിരുന്നു. 200 പുതിയ ജീവനക്കാരെയും നിയോഗിച്ചിരുന്നു.

പുതിയ ജീവനക്കാര്‍ കൂടിയെത്തുന്നതോടെ മൈക്രോസോഫ്റ്റിന്റെ ഐറിഷ് തൊഴിലാളികളുടെ എണ്ണം മൂവായിരത്തോളമാകും.മെയ് മാസത്തോടെ എല്ലാ ഒഴിവുകളും നിറയ്ക്കാന്‍ കമ്പനി പദ്ധതിയിടുന്നതിനാലാണ് പുതിയ തസ്തികകളിലേക്കുള്ള റിക്രൂട്ട്മെന്റ് നടത്തുന്നത്.സര്‍ക്കാര്‍ മാര്‍ഗ്ഗനിര്‍ദ്ദേശങ്ങള്‍ക്ക് അനുസൃതമായി പുതിയ റിക്രൂട്ട്‌മെന്റുകളും വീട്ടില്‍ നിന്ന് തന്നെ പ്രവര്‍ത്തിക്കാവുന്നതാണെന്ന് മൈക്രോസോഫ്റ്റ് സ്ഥിരീകരിച്ചു. നിയന്ത്രണങ്ങള്‍ ലഘൂകരിച്ചുകഴിഞ്ഞാല്‍, പുതിയ സ്റ്റാഫുകള്‍ക്ക് അവരുടെ സഹപ്രവര്‍ത്തകരോടൊപ്പം ഡബ്ലിനിലെ ലെപാര്‍ഡ്സ് ടൗണ്‍ കാമ്പസില്‍ ഒത്തുകൂടാനാകും.

പുതിയ റിക്രൂട്ട്‌മെന്റ് ഡ്രൈവില്‍ ലഭ്യമായ റോളുകളില്‍ ഡിജിറ്റല്‍ സെയില്‍സ് പൊസിഷനുകളും ക്ലൗഡ് സൊല്യൂഷന്‍ ആര്‍ക്കിടെക്റ്റുകളും ഉള്‍പ്പെടുന്നു. യൂറോപ്യന്‍ ഭാഷകളില്‍ പ്രാവീണ്യമുള്ള സ്ഥാനാര്‍ത്ഥികളെയാണ് കമ്പനി തേടുന്നത്.യൂറോപ്പ്, മിഡില്‍ ഈസ്റ്റ്, ആഫ്രിക്കന്‍ മേഖലകളിലെ സേവനമാണ് ആഗ്രഹിക്കുന്നതെന്നും മൈക്രോസോഫ്റ്റ് അയര്‍ലന്‍ഡ് മാനേജിംഗ് ഡയറക്ടര്‍ കാത്‌റിയോന ഹല്ലഹാന്‍ പറഞ്ഞു.

മൈക്രോസോഫ്റ്റ് സെയില്‍സ് അക്കാദമി വരുന്നു

പുതിയ മൈക്രോസോഫ്റ്റ് സെയില്‍സ് അക്കാദമിയും കമ്പനി പ്രഖ്യാപിച്ചു.വിവിധ പശ്ചാത്തലങ്ങളില്‍ നിന്നുള്ള 25 പേരെയാകും ഇതിലേയ്ക്ക് റിക്രൂട്ട് ചെയ്യുക.ഡിജിറ്റല്‍ സമ്പദ്വ്യവസ്ഥയില്‍ വൈവിധ്യമാര്‍ന്ന പങ്കാളിത്തം പ്രോത്സാഹിപ്പിക്കുന്നതിനുള്ള ഡിജിറ്റല്‍ വിദ്യാഭ്യാസ പരിശീലന പരിപാടിയാണ് അക്കാദമി. മൈക്രോസോഫ്റ്റിന് പ്രതിവര്‍ഷം നാല് ഇന്‍ടേക്ക് തരംഗങ്ങള്‍ ഉണ്ടാകുമെന്ന് അറിയിച്ചു. റിക്രൂട്ട് ചെയ്യുന്നവര്‍ക്ക് ആറുമാസത്തെ സെയില്‍സ് ട്രെയിനിംഗ് പ്രോഗ്രാമുണ്ടാകും.അതിനുശേഷമേ അവരെ ഡിജിറ്റല്‍ സെയില്‍സ് റോളിലേക്ക് മാറ്റുകയുള്ളുവെന്നും കമ്പനി വ്യക്തമാക്കി.

ഐറിഷ് മലയാളി ന്യൂസ്

- Advertisement -

Comments are closed.

This website uses cookies to improve your experience. We'll assume you're ok with this, but you can opt-out if you wish. AcceptRead More