കെറി ഓണത്തിനൊരുങ്ങി,ആഘോഷം ശനിയാഴ്ച
കെറി : അയര്‍ലണ്ടിലെ കെറിയിലെ തിരുവോണാഘോഷങ്ങള്‍ സെപ്റ്റംബര്‍ 14 ന് ശനിയാഴ്ച. കെറി ഇന്ത്യന്‍ അസോസിയേഷന്റെ ആഭിമുഖ്യത്തിലാണ് കെറിയിലെ ഓണാഘോഷം .
ശനിയാഴ്ച രാവിലെ 10 മണിയ്ക്ക് ട്രെലി സി ബി എസ് പ്രൈമറി സ്‌കൂളില്‍ ആഘോഷപരിപാടികള്‍ക്ക് തുടക്കമാവും.അത്തപ്പൂകളമൊരുക്കി ,അതിഥികളെ വരവേറ്റ് ,വമ്പിച്ച പരിപാടികളാണ് കെറി മലയാളി സമൂഹം ഒരുക്കുന്നത്.
അമ്പതോളം വനിതകള്‍ അണിനിരക്കുന്ന മെഗാ തിരുവാതിര ഇത്തവണയും ‘കെറി ഓണത്തെ സമ്പന്നമാക്കും.
കുട്ടികളുടെയും,മുതിര്‍ന്നവരുടെയും ഫ്യൂഷന്‍ ഡാന്‍സ് ചെണ്ടമേളം,വിവിധയിനം ഗെയിംസുകള്‍, ഗാനമേള,വടംവലി മത്സരം എന്നിവയും ഒരുക്കിയിട്ടുണ്ട്.
കെറി ഇന്ത്യന്‍ അസോസിയേഷന്റെ ആഭിമുഖ്യത്തില്‍ ഈ വര്‍ഷമുടനീളം സംഘടിപ്പിച്ച വിവിധ മത്സരപരിപാടികളില്‍ വിജയികളായവര്‍ക്കുള്ള സമ്മാനങ്ങളും ആഘോഷപരിപാടികളോട് അനുബന്ധിച്ച് വിതരണം ചെയ്യും. ക്രിക്കറ്റ് ടൂര്‍ണ്ണമെന്റ്, ബാഡ്മിന്റണ്‍ ടൂര്‍ണമെന്റ്,ഫുട്‌ബോള്‍ ടൂര്‍ണമെന്റ് ,എന്നി കായിക മത്സരങ്ങള്‍ക്ക് പുറമെ, റമ്മി ടൂര്‍ണമെന്റും കെറി ഇന്ത്യന്‍ അസോസിയേഷന്‍ സംഘടിപ്പിച്ചിരുന്നു.പെയിന്റിംഗ് പെന്‍സില്‍ ഡ്രോയിങ് മത്സര വിജയികള്‍ക്കുള്ള സമ്മാനങ്ങളും ഇതേ വേദിയില്‍ വിതരണം ചെയ്യുമെന്ന് കെറി ഇന്ത്യന്‍ അസോസിയേഷന്‍ പ്രസിഡണ്ട് ജോണ്‍ കെ ചെറിയാന്‍ അറിയിച്ചു
ഐറിഷ് മലയാളി ന്യൂസ്
ഐറിഷ് മലയാളി ന്യൂസില്‍ നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്‌സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക https://chat.whatsapp.